白健恩與經理人《娛樂後援會》互爆

藝人白健恩(小白)與經理人Tiffany到茜利妹的《謎米》節目《娛樂後援會》受訪,大談經理人與藝人相處之道,Tiffany直認當一個獨立經理人,最大難處是:「冇大水喉(幕後老闆),其他要落手落腳做嘅,譬如跟藝人、接job、宣傳,我都可以一腳踢做晒,唯獨冇金主支持就係最大難處囉。」

被問到入行以來最大的打擊,小白不避嫌地重提去年爆出的「賣淫」封面:「一定係入行以來最大劑嘅一次!朋友都話我EQ頂級,但果次都跪低咗!收埋自己係屋企唔願見人。」但Tiffany話:「我反而崩潰!晚晚喱喺屋企爆喊!第二朝又要扮冇嘢出去拆彈!」

茜利妹謂:「事過境遷,倒轉諗,入行短短三年,咁大鑊咁谷底都經歷過,又死唔去,之後必定更強啦!」

小白更自嘲被雜誌封為「7線男神」:「可能我曾(在電視劇中)強姦『高Ling』(高海寧),行為禽獸,只值7線囉,哈哈哈!」

又談到小白的fit爆身型,茜利妹話要驗明正身:「嗱,純學術性研究,俾我摸吓。」隨即伸手摸小白的胸脯:「嘩!真材實料呀!」小白調皮回應:「咁我係咪可以摸番你㗎?」

浩楠

浩楠

Stars-hk 創辦人, 希望建立一個只談專業, 不談八卦的娛樂資訊網站。