王菀之與《喜劇之王》切磋

藝人王菀之(Ivana)到詹瑞文、茜利妹及李麗蕊主持的電台節目《喜劇之王》受訪,與詹Sir交換當喜劇演員心得,Ivana談到近日在電影《金雞sss》中飾演北姑「吳璐」一角大受讚賞的:「其實副哨牙同啲浮誇服飾幫咗好多!令我好快入到角式。而今次應該是我入行以來著得最少嘅一次,在公在私都係。記得當日第一次同君如、導演見面,佢地問我『有冇底線』,我呆咗!唔識答…依家我知道,原來我都可以好冇底線!」

茜利妹爆料:「你學緊鋼管舞,著得仲少噃!」Ivana驚訝:「你點知㗎?!」茜利妹:「傻婆!上次完騷宵夜,你用電話show俾我地睇,你仲做倒立動作呢!」Ivana忽然記起:「係呀係呀!」茜利妹更透露Ivana身裁不俗:「幾堅㗎。」Ivana跳鋼管舞確能修身。

Ivana更與詹Sir齊齊扮聲玩「整蠱電話」環節,即興致電傢俱店,Ivana以北姑「吳璐」口音向店員查詢訂沙發折扣優惠,雞同鴨講,笑料百出,聽眾紛紛留言話笑到標眼水!Ivana果然是新一代喜劇之后。



Ivana又提及她曾飾演的電視與電影角式:「都咁啱姓吳,我同「吳」都幾有緣。」茜利妹禁不住揶揄她謂:「你同姓蘇仲有緣啦!」指其男友「Figure王」蘇卓航,Ivana即時「睥爆」茜利妹,眾人爆笑。

 

浩楠

Stars-hk 創辦人, 希望建立一個只談專業, 不談八卦的娛樂資訊網站。