茜利妹笑男拍檔「老婆奴」

茜利妹與木村（楊英偉）及資深食評家梁家權於「鄭大班電台」《D100》主持飲食娛樂節目《為食麻甩騷》，賀年特輯大談將近失傳的「滿漢全席」，披露很多連當今名人大廚都鮮知的花絮。

茜利妹加入節目不足一個月，節目Facebook粉絲「Like數」快速增長！三人又於過年前收到半百粉絲自製的賀年糕點及美食，節目主腦梁家權感激地稱：「一定會食晒！食到暑假都係咁話！多謝大家支持！」

茜利妹謂：「嘩！木村根本就係師奶殺手！佢喺《真情》嘅演出好鬼入屋唔係講笑！令佢『受惠』至今，佢去親街市都有著數，女檔主總會『醒』佢！而梁家權對美食的獨到品味，實在勝過好多自稱食神嘅食家！」梁家權回應：「我低調﹣雖然我聲稱『賣樣』哈哈哈！」

已過檔HKTV的木村謂：「多謝TVB（早年）令我入屋，但我都係一個求進步嘅人，所以希望加盟HKTV會有更好的發展，因為王生（王維基）確實係一個有情有義有創意嘅老闆，演出佢嘅製作確會令專業演員質素提昇！」

木村即將參與重演多場的大熱舞台劇《南海十三郎》，暫時把「煮人」重任交給茜利妹，旨意她搞好節目，茜利妹爆料：「其實木村係絕種好男人，佢初戀情人就係現任太太，嘩！簡直係現代童話！」

有聽眾留言責兩男主持常語言性搔擾女主持茜利妹，茜利妹回應：「都係為節目效果呢！佢地兩個天生『老婆奴』！想搞又唔敢！慘爆！」