鄭大班踏足男同志桑拿

鄭大班（鄭經翰）應茜利妹及梁梓禧(Roland)之邀，到其NowTV電視節目《攣直後援會》受訪，拍攝地點在一所「男同志桑拿浴室」，店主更稱鄭大班是首位踏足此「基地」的直佬，簡直是「攣歷史性的一刻」。

兩位主持除率大班遊畢同志桑拿每一角落外，更大談同志話題。

茜利妹謂：「我認識嘅女同志眼中嘅鄭大班：如果自己係直都恨嫁嘅對像，所以雖然大班係直到爆，但係原來喺同志世界都有一席位。」大班反問茜利妹：「果個女同志係咪你？」在場人士全部笑反。

Roland更大膽問大班：「你著開咩類型嘅內褲？」大班爽快地答：「孖煙囪，夠舒服。」更反問Roland：「你唔係著孖煙囪咩？好焗搐噃！」得知Roland出櫃，十分支持：「如你家人有意見有異議，叫佢地嚟同我傾。」

兩人更大力遊說大班不如投資同志桑拿生意，好過投資電台，一定會更賺。

大班透露早年在三藩市這個同志之都生活過一段日子，且十分融入，而他回港後：「我果時同羅文都好friend，一個人攣定直根本就唔係交朋友嘅首要條件，我驚人蠢多過驚人攣囉！」

對於「性傾向歧視立法」連咨詢都沒有，大班更直呼荒謬：「我身為一個六張幾嘅老嘢都唔『恐同』，點解佢地會有呢個荒謬決定？！完全冇sense！」