周啟生激讚新人黃宇希,比賽歌手都未必有咁好

日前周啟生、林志美、郭秀雲等於九展演出《木匠樂隊主音Karen Carpenter逝世30年紀念演唱會》,同場演出仲有在電影《狂舞派》的主唱新人黃宇希,周啟生對佢有讚無彈:「之前有啲言論話我唔鍾意新人,唔好信,唔係真。」

演唱會完結後接受訪問時周啟生話自己非常欣賞黃宇希:「之前我見佢喺蔡楓華個騷上唱梅艷芳啲歌,但表現唔係好出,點知喺網度睇佢唱到好似Tina Turner咁勁,所以今晚我都叫佢唱啲專長嘅歌。」

係咪用行動反駁之前唔支持新人嘅言論?周啟生話:「一向都支持,講過唔再講,我一直都支持緊後輩,難得搵到有實力嘅人,比賽歌手都未必有咁好。」會唔會收佢做徒弟?周啟生話呢啲遲啲先講。

至於黃宇希則表示今年是感恩的一年,由電影主題曲主唱到紀念演唱會的演出嘉賓,感謝公司一直給予機會與支持,現正籌備明年推出個人專輯,希望大家繼續支持。

浩楠

浩楠

Stars-hk 創辦人, 希望建立一個只談專業, 不談八卦的娛樂資訊網站。