鄭伊健《Beautiful Day》演唱會廣州站林曉峰錢嘉樂站台全場爆笑

2013-06-102013-06-10 浩楠鄭伊健

鄭伊健前晚6月8日在廣州體育館舉行《Light & Shadow 演唱會–廣州站》，全場爆滿。除了廣州的歌迷，還有來自北京，雲南和青島等歌迷專程捧場，令伊健非常感動。站在半空吊台上出場的伊健以《Beautiful Day》為演唱會揭開序幕，並一口氣唱了《Summer Love》，《打開你未來》，《心照》和《廿世紀的戀人們》等多首充滿正能量的開心歌，全場觀眾火速熱身，更站起來揮動螢光棒，之後伊健兩度大曬六舊腹肌令觀眾尖叫聲不絕，全場HIGH爆! 前晚是伊健首次踏足廣州舉行個人演唱會，心情特別興奮，他在台上說: 「我小時候成日到廣州，因為每次返鄉下探親都要先喺廣州親戚屋企住一晚再出發，最難忘當年間屋只有一個燈泡，但依家廣州進步咗好多，發展得好成功。而我嘅老師羅文，以前亦都喺廣州生活咗好耐先至搬到香港住，所以我好想喺廣州開演唱會。」當伊健唱了半首《一起飛》時，好友林曉峰和錢嘉樂突然出場，令觀眾好驚喜，他們合唱《戰無不勝》和《友情歲月》時，觀眾更跟住一齊大合唱，掀起全晚高潮。風趣幽默的林曉峰和錢嘉樂台上一唱一和搞氣氛，林曉峰說:「點解我哋喺其他站只係唱一首半歌，嚟到廣州站我哋要唱兩首半呢? 咪因為伊健偏心廣州歌迷囉!」然後他率領觀眾玩人浪，場面壯觀。身旁嘉樂則笑說:「伊健每個站都帶一個人嚟，但今次竟然唔帶，呢個人係邊個呢? 我同林曉峰都有帶嘅。」觀眾大叫「阿嫂」，伊健在旁笑不攏，嘉樂笑說:「伊健依家好識玩架啦!」林曉峰玩押韻:「唔帶阿嫂，喺廣州可以玩到第二朝早!」全場爆笑，嘉樂亦笑說:「唔帶老婆，無人依依哦哦!」伊健被弄得哭笑不得，他搭着兩位的膊頭打圓場:「其實我係帶咗最好嘅嘢嚟，例如最好嘅歌，同埋最好嘅朋友!」在電影《志明與春嬌》中，與伊健曾經有過一段情的楊千嬅，就拍了打氣片段給伊健，片中她更公然催促伊健生BB，她說：「恭喜你娶到個YOYO(蒙嘉慧)咁好嘅老婆，雖然你哋話唔生，但係命裏有時終須有……」伊健緊接上台唱《動地驚天愛戀過》，全場起哄。伊健表示很多歌迷靠他的金曲《一生愛你一個》追女仔和求婚，然後全場大合唱。除了情歌，他還唱了一些代表自己不同時期的歌曲，他說：「由細到大我都好鍾意聽歌，每次聽到舊歌都會勾起好多回憶，就好似喺我人生接受磨練嘅時候就有《有你便有我》。」