恭碩良被瑟縮大木箱內拍MV(附影片及圖輯)

 

恭碩良(Jun)早前為全新大碟唯一一首廣東新歌《Help Is On The Way》拍MV,由於這首歌是以家庭暴力為主題,所以在拍攝時Jun要被瑟縮在一個大木箱內,並要作出痛苦的爭扎,連手部也受傷流血,他希望憑歌寄意帶出家暴的問題,令大家加以關注。今次阿Jun的新碟是以英文歌為主,只有其中一首《Help Is On The Way》是廣東歌,這次他又特別邀請到好友麥婉欣為MV執導,阿Jun表示,這首歌是他自己作曲的,內容是講一些家庭暴力事件,有些人是被丈夫打,有些老婆打老公,甚至有被男友打過,這首歌是環繞這個問題。阿Jun為了配合拍出這首歌的意景,在整個MV中他要躱在一個大木箱內,不停地掙扎,手中包紥著正流血的傷口。

 

阿Jun說:「相信有好多身邊朋友或者會遇上過家暴呢啲經歷,個木箱好似個棺材咁,一個人困喺裏面,冇人聽到你講嘢,冇人會理你,只有自己一個人大嗌,我唔係代表人哋講嘢,只係想當一個故事咁唱出嚟,係一個隱喻。首歌本身係可以講唔同嘅話題,你話世界末日又得,天災人禍又得。咁啱我同導演麥婉欣都對呢個課題好關注,所以喺呢個MV表達出嚟,希望可以帶出一個話題令大家關注同正視,唔好因為驚而啞忍。」

 

阿Jun又覺得這首歌可以帶出另一個訊息,就是有時要堅持己見,因為只有自己最清楚自己需要甚麽,他自己是一個好例子,他說;「以前有人同我講打咩鼓呀,不如去做銀行,或者做賭場,不過我就冇聽人講,可能大家以為我咁係錯,不過我係想做自己鍾意o既事,如果我當初聽人講今日就唔會喺樂壇,而家我得獎證明演藝界都認同我,我係冇揀錯工作。」

 

圖輯:

 

影片:

浩楠

浩楠

Stars-hk 創辦人, 希望建立一個只談專業, 不談八卦的娛樂資訊網站。