【專訪】2026全球環球小姐中國區冠軍黃崇莉Sonia:跳出舒適圈 展現高學歷女神的多元魅力

今次訪問的嘉賓係2026全球環球小姐中國總決賽-中國總冠軍Sonia Wong黃崇莉,她於約翰霍普金斯大學心理學碩士畢業,從事醫療營銷。熱愛國標舞的Sonia,曾做過電影女主角,也有參與歌曲創作同主唱,也是一位平面模特及社交網絡媒體創作者。熱愛挑戰新事物和希望喺舞台上面展現現代香港女性獨立、自信、多才多藝嘅一面的她,一個機緣下報名了選美活動對她來講,選美係一個屬於自我突破嘅舞台。除咗外在形象,更可以磨練個人氣場、應變同台風,因此希望藉住呢個平台拓闊自己演藝同媒體嘅發展機會,挑戰自己嘅極限,令更多人認識多面的她。
記者:Tommy Tang


對於首次參賽就奪得冠軍的Sonia ,她表示好開心同榮幸,這是她長期準備的一份認可。呢個冠軍頭銜將會帶給她更多曝光同機會,她表示希望把握呢個優勢,繼續向演藝同媒體方向發展。既然贏了一個比賽,當然希望嘗試一個更大的舞台,而環球小姐係國際級數嘅大舞台,競爭更加大,所以今次以香港佳麗身份,參加香港環球小姐2026,爭取更高嘅國際曝光,為演藝事業鋪路。



談及香港環球小姐當晚表現,Sonia就表示:「整體我滿意自己當晚嘅發揮,都好享受整個舞台氣氛。但客觀睇,仲有好多細節可以再進步。每一次比賽都係累積經驗,我會吸收當晚嘅經歷,將不足嘅地方調整,準備之後更大嘅舞台。」至於當時不選最擅長嘅跳舞作才藝表演,Sonia就談到:「跳舞固然係我最熟練嘅強項,但我想跳出舒適圈。我希望觀眾同評判見到我除咗跳舞之外,仲有音樂創作、演繹嘅另一面。唔揀最拿手嘅項目,先可以挑戰自己,展示更多元嘅才華。」



Sonia接下來會繼續發展演藝同媒體方向,嘗試更多影視、音樂同平面拍攝工作,而她希望可以拍些綜藝節目,去其他國家發展她都非常之願意。同時,好經營自己嘅社交平台,分享模特生活、時尚同個人成長內容,亦都會參加唔同嘅時尚活動,繼續拓展自己嘅事業版圖!








