杜德偉演唱會記招大唱情歌 《點解咁好笑》老拍檔林敏驄合體撐場

《杜德偉 GET UP 世界巡迴演唱會 – 香港站》將10月18-19日於紅磡香港體育館盛大舉行，這次香港站特別場次加入多首經典廣東歌曲，勢必為樂迷帶來獨特的音樂盛宴。

為隆重其事，記者會以夏日派對「GET UP SUMMER BOOMB」為主題，DJ 現場演繹多首廣東經典，令樂迷全力釋放 「Get Up 」的熱情，為香港炎夏增添音樂旋律！杜德偉一出場以《愛變了這世界襯衣》記者會揭開序幕，記者會兩旁數百fans圍滿觀眾，氣氛非常熱鬧：「呢個世界巡迴演唱會去了很多不同的地方，終於在2025年回到香港，其實香港對我來說是一個家、最親切的地方！」

Alex笑言香港搞騷既陌生又熟悉的感覺，有很多廣東的作品，會獻唱給香港的樂迷：「歌單都唔係好頭痛，總之有求必應，我會將所有大家想聽的廣東歌唱出嚟！其實我希望今唔好下雨，但見到落雨大家都這麼熱情站在這裡！」

記者會期間，林敏驄突然上台做嘉賓，仲即席合唱《點解咁好笑》主題曲：「其實你哋可能覺得佢好難招架，不過我就識得點樣對付佢！近日都搵返好多舊時啲片段，真係唔明當年點解會肯咁樣做，都諗返起好多回憶！」而林敏聰揚言重拍節目，引起圍觀fans「喴嘩鬼叫」！