李紫昕《百年時光印記》勇奪新音樂榜「優秀電影主題創作歌曲獎」

兒歌天后李紫昕（Purple）創作並主唱嘅電影主題曲《百年時光印記》，於新音樂榜2026「新聲力量盛典・鵬城之夜」榮獲優秀電影主題創作歌曲獎。

《百年時光印記》為香港福建商會出品電影《福中時光印記》主題曲，歌曲走感性路線，滿載濃厚年代感，藉住旋律同歌詞，記錄學校百年走過嘅歲月，承載一代又一代人嘅回憶同情懷。

李紫昕表示，收到呢個獎項感到十分欣喜同榮幸：「能夠為呢套講述百年故事嘅電影創作主題曲，本身就係一個好難得嘅機會。好多謝導演嘅信任，亦都多謝香港福建商會同福建中學給予機會，放心將呢首主題曲交由我負責作曲、填詞同演繹。創作時希望透過感性嘅旋律，將跨越歲月嘅情懷呈現出嚟。歌曲推出之後，見到好多觀眾、粉絲被故事同歌聲打動，真心好感動，多謝大家嘅喜愛同支持。」

佢續稱，今次得獎係對作品嘅肯定，未來會繼續堅持創作，用音樂講好不同嘅故事，透過歌曲傳遞溫暖同力量。

《福中時光印記》由香港福建商會出品，《百年時光印記》由李紫昕一手包辦作曲、填詞同主唱。