陳俞霏x曹越x劉曉昆推出合唱國語歌《午夜Ring Ring》陳俞霏包辦製作公開被騙20萬經歷 曹越勉勵愛情雖甜蜜仍要保持清醒 劉曉昆慶幸夠機警避過墮感情騙局

陳俞霏（Faye）、曹越（Leni）和劉曉昆最近推出首支合唱國語單曲《午夜Ring Ring》，由霏霏一手包辦作曲、填詞、編曲及監製，越越亦有參與作詞，以愛情詐騙為主題，道盡都都巿女性覺醒、自強迎擊騙子的「華麗逆襲」。MV中，三人以多個造型演出，還同時墮入感情騙局的劇情，而MV中還有多個TMG歌手MV內容提示，看MV之餘還可參與遊戲，配合歌曲充滿玩味的風格。

陳俞霏、曹越和劉曉昆合作的契機始於她們的經理人，但自從她們開了群組討論主題後，很快大家便傾不停，身為製作人的陳俞霏說：「最初我係按70、80年代流行歌嘅風格做咗個基本編曲，跟住越越send咗啲英文歌同李玟前輩嘅幾首歌，我就加咗呢啲元素落去，到我寫詞時越越喺群組度講咗句『Hey！要說Bye Bye』，之後昆昆放咗啲詐騙案件嘅資料出嚟，我就加晒落首歌度，跟住我哋即興接住加旋律落去，大家傾到凌晨1點幾先停。」

《午夜Ring Ring》以愛情詐騙做主題，原來跟陳俞霏和劉曉昆的親身經歷過有些馎關係，雖然霏霏「中招」的電話騙局而不是愛情騙局，但最終也被騙20萬之多，「佢哋扮係內地嘅政府部門，知道晒我嘅個人資料，同埋佢哋嘅手段係好懂得人性，知道點樣拿捏一個人嘅弱點，我就將呢件事延伸寫晒落首歌度，呢個社會問題好嚴重，點解咁多人被呃，因為好多人內心係缺愛無安全感，喺社會被認同度唔夠高，當有人放佢哋喺主角位置時，好多人會幻想同憧憬，呢個就係呢首歌嘅延伸點。」

劉曉昆亦差點墮入感情騙局，幸好後來夠機警才能避免受騙，「啱啱玩ig時，試過差啲畀人呃錢，突然有人私訊我，睇到佢post嘅狀態係個靚仔嚟，我覺得幾好，因為嗰時未咁流行詐騙，加咗對方嘅WhatsApp，佢就開始了解我嘅經濟狀況，發現我狀況唔差，佢就開始叫我投資，畀咗條link我，但係聽多咗佢錄音講嘢，佢啲口音就覺得唔似張相嗰個人，就覺得係假於是就封鎖咗佢，好彩自己都有啲分別能力，之後我有朋友都有類似狀況，所以大家唔好戀愛腦，都要小心啲！」

雖然曹越未試過受騙，但她認為女性就算感情上有不好經歷，或者愛情多甜蜜都好，都要有個清醒頭腦，「依家女性都可以好主動，好自強同獨立，社會嘅道德同睇法，好多時畀咗好多束縛大家，呢個主題就係希望女性要強大自己，增加自己嘅價值，努力做最好嘅自己，將注意力、期望、期待擺喺自己身上，而唔係另外一半上面，總之講到錢就好傷感情。」

日前（9月5日）陳俞霏、曹越和劉曉昆還接受甘永傑主持的《甘日MVP》訪問，舉行一次別開生面的Special Live，實行「三娘教子」邊打麻雀邊吹水介紹新歌《午夜Ring Ring》。不過最搞笑到達現場，甘甘先發現三女根本完全不懂打麻雀，竟然連砌牌都不識，「我發覺呢個先係最大詐騙，佢哋距離唔識打麻雀好遠。」結果「三娘教子」變成「一子教三娘」局面，加上三女太專注打牌，差點忘記要宣傳歌曲的目標，搞到身為主持的甘甘也有點不知所措，最終甘甘和昆昆各食糊2次勝出，整個過程相當搞笑！