兒歌天后李紫昕Purple領軍｜《非凡音樂劇之旅》首演爆滿 圓滿揭幕 承載King Sir遺作珍貴錄音 全場觀眾感動落淚 掌聲笑聲交織全場

由兒歌天后李紫昕 Purple傾力監製、統籌並參演的大型原創治愈系音樂劇《非凡音樂劇之旅》，日前於屯門大會堂順利上演精彩首場公演，為一連五場舞台盛事正式拉開序幕。

開演前團隊一直密切留意天氣狀況，亦曾默默擔心變天影響演出，幸得天公造美、天氣穩定，令首演能夠零事故、極完美、極順利圓滿上演。

今次製作別具歷史與傳承意義，本劇係劇團特邀藝術總監——香港戲劇泰斗 King Sir 鍾景輝先生嘅遺作，劇中收錄咗King Sir生前親自錄製嘅珍貴聲音，亦是他最後嘅錄音作品，成為整套音樂劇最重要嘅靈魂。全劇透過舞台演繹，向畢生致力培育戲劇後輩、推廣藝術教育嘅King Sir致以最深致敬，延續前輩敬業無私、追夢不息嘅信念。

當舞台響起King Sir醇厚溫暖嘅聲音、上演致敬傳承嘅段落時，全場無數觀眾深受觸動、紛紛感動落淚。不少家長、老師、戲劇愛好者都被當中滿載回憶與心意嘅細節打動，深切感受到劇團對前輩、對香港戲劇藝術傳承嘅尊重與初心。

除滿滿感人位之外，全場氣氛同樣熾熱溫暖。
首演當日全場爆滿、座無虛席，台上一眾小演員盡情投入、真摯閃亮；台下小朋友全程笑聲不絕、觀眾掌聲不斷，歡笑、感動、溫暖、鼓勵充滿整個劇院，口碑極佳、滿堂讚譽。

回望台前幕後，全體團隊經歷整整一週密集入台、通宵打磨、高體力消耗綵排，連日辛勞、身心俱疲。

李紫昕Purple有感而發：
「呢一週入台其實真係好攰、體力透支，每一日都不斷磨合、調校、堅持。呢套劇承載住King Sir作為我哋劇團藝術總監嘅心血，留住佢最後嘅錄音，對我哋所有人意義重大。但當我望到滿場觀眾看得好投入、小朋友笑得純真燦爛，尤其見到好多觀眾因為聽到King Sir嘅聲音、致敬佢嘅段落感動落淚，我哋所有辛勞即刻變成無限力量。舞台最大意義，就係傳承感動、傳承愛、傳承夢想，將King Sir嘅精神延續落去。」

首演完美演出、淚光與掌聲並存、感動與歡樂滿載，為接下來演出打下最穩固、最閃亮嘅效果。

《非凡音樂劇之旅》隨後將繼續上演餘下四場精彩公演，團隊將繼續調整最佳狀態、全力以赴、不忘初心。