劉錫明、湯寶如、何博文、梁凱榳、馮鎵瀠 出席 Lollipoppi 一年一度香港動漫電玩節 2026
《Lollipoppi 一年一度香港動漫電玩節》傳媒優先預覽日，出席藝人包括劉錫明、湯寶如、何博文、梁凱榳、馮鎵瀠。何博文接受訪問表示，自細都有留意動漫，投身工作後難得抽空參觀動漫展。今日藉傳媒優先日到場，各式展品喚起滿滿童年回憶。
博文續說：「所以我格外珍惜這一刻。小時候能夠盡情沉浸動漫世界，出社會工作後，卻難再有時間及機會。昔日嚮往無拘無束的自由，現階段則享受家庭生活，閒餘時間多陪伴小朋友玩樂、溫書。好似啱啱完結嘅書展，我都帶埋小朋友一齊到場。兩個階段體驗截然不同，但我十分享受，能夠親眼見證小朋友成長。」
梁凱榳表示：「平時唱歌工作成日對住音樂，難得有機會過嚟動漫節，望吓啲Figure都覺得好開心。記得以前細個嗰陣都會儲好多Figure，大個咗之後就收埋晒，冇再拎出嚟。今日喺會場可以見返呢啲『老朋友』，真係好有親切感，好似一次過同返晒童年嘅回憶重逢咁。今年已經第二年參與，希望之後每年都有機會過嚟行吓、睇吓。」
Naomi 表示：「好高興能參與今次活動，過往多年在暑假動漫節期間，要同其他模爭曝光，鬥出位！現階段人大咗，終於可以花多啲時間，去買時下好流行嘅盲盒，買世界盃球星Figure。」
