【港人之光】前四大選美總監親自出戰！Monica Leung 勇奪2026國際和平小姐「亞洲及大洋洲洲際皇后」 躋身世界六強
2026年度國際和平小姐 (Miss Peace International 2026) 世界總決賽日前圓滿落幕。這項由柬埔寨主辦的盛事，是全球首個全面以虛擬（Virtual）形式進行的國際選美比賽。代表香港出戰的 Monica Leung 憑藉出眾的氣質、選美經驗與「美麗為和平 美麗伴使命」的信念，在全球佳麗中脫穎而出，不僅成功躋身世界六強 (Top 6)，更一舉奪得「亞洲及大洋洲洲際皇后」(Miss Peace Asia and Oceania 2026) 的重量級榮銜，為港爭光！
虛擬選美的賽制極具挑戰性，佳麗需在極短時間內獨力或與團隊合作完成大量高品質的拍攝及視像面試。根據大會要求，Monica 需準備多達十數條影片及硬照，涵蓋官方介紹、和平倡議項目、文化及國家認同展示、才藝表演、旅遊推廣、環保活動、民族服裝，以至預賽及決賽的Opening Number（開場秀）、泳裝及晚裝環節。此外，她更要應付高壓的實時視像面試及關鍵字挑戰。在如此密集的賽程下，Monica 依然能保持高水準發揮，足見其過人的毅力與專業。
Monica 是專業的國際模特兒和國際品牌代表，擁有豐富的選美幕前幕後經驗，為世界四大選美 Miss Earth Hong Kong 2024 的 Miss Popular，亦曾擔任世界四大選美香港國際小姐（Miss International Hong Kong）的聯合總監和專業選美造型師。這次她毅然披上2026香港和平小姐（Miss Peace Hong Kong 2026）冠軍的綬帶踏上國際舞台，特別感謝強大的香港團隊作為她的後盾，成就了這次的亮眼成績。團隊陣容鼎盛，由比賽首辦第一年（2025年）起已擔任香港區及中國區總監的 Jo An Ma 親自領軍，並匯聚了創意髮型總監 Vincent. S（Beauty Art Studio 創辦人）、攝影總監 Kelvin Chan（Kelvinsgraphic 創辦人）、夥伴關係總監 Rain Ho（The Key to Infinity 創辦人）、化妝總監 Season Yip（Cinderella Bridal Make Up 創辦人）、美甲及造型總監 Gloria Chang（Nekoya Nail Art HK 創辦人），以及特別顧問 Imellda Ho（Imellda Ho Millinery 創辦人）與前選美世界冠軍 Mercedes Pair（Miss World Noble Queen International 2018）。同時，她亦向同屆的香港區亞軍 Vivienne Wai 及季軍 Luna Ho 表達深切謝意，感謝她們在世界賽期間給予的無限支持與合作精神。
結束比賽後，Monica 正式宣佈創立全新選美造型企劃平台品牌「Miss & More Hong Kong」，並親自擔任主理人及專業選美造型師。她期望將自己的國際實戰經驗回饋業界。除了為有志參賽的香港女孩提供專業造型指導外，她更積極尋求與其他具影響力的選美品牌及歷屆選美佳麗展開深度合作，共同推動本地選美產業的發展。
***
STARSHK：首先恭喜 Monica 取得如此驕人的成績！你一直擁有豐富嘅選美幕前幕後經驗（如國際模特兒、四大選美聯合總監、專業造型師），當初點解會決定親自參加今次嘅國際和平小姐？
Monica：多謝 STARSHK！其實過去睇住好多女仔喺我嘅團隊同指導下，喺舞台上發光發熱，我心入面一直都有團火，想親自感受一次代表香港企上國際舞台嘅滋味。加上今次由柬埔寨主辦嘅 Miss Peace International 係全球第一個虛擬國際選美比賽，形式好創新，而大會「Beauty for Peace, Beauty with Mission.」嘅宗旨亦好打動我。我覺得呢個係一個絕佳嘅機會，將我喺幕後累積嘅視覺說故事 (Visual Storytelling) 同個人品牌建立技巧，結合我幕前嘅模特兒經驗實踐出嚟。喺度都好多謝香港和平小姐（Miss Peace Hong Kong）同中國和平小姐（Miss Peace China）總監 Jo An Ma 俾我嘅機會同支持，先可以有今次嘅成績！
STARSHK：作為一個全面虛擬嘅國際賽事，同傳統選美有咩最大分別？過程中最具挑戰性嘅係咩？
Monica：最大嘅分別係虛擬比賽極度考驗佳麗嘅多媒體製作能力同埋時間管理！大家可能以為網上比賽會輕鬆啲，但其實大會嘅要求非常嚴格。我哋要喺死線前提交十幾條高質素嘅影片，由和平倡議、文化展示到旅遊推廣都要包辦，仲有預賽同決賽嘅Opening Number（開場秀）、泳裝、晚裝 Catwalk 影片同相片。除此之外，仲有實時嘅 Video Call 面試同 Keyword Challenge，完全考驗臨場反應。成個過程就好似拍咗一套微電影咁，非常考驗體力同團隊合作。
我特別想多謝所有喺業界嘅朋友同贊助商，國際選美係好倚賴贊助同其他人嘅支持，單人匹馬係唔會得到成功。其實國際選美文化喺香港未盛行，以我喺選美圈子三年嘅經驗，深知要做出見得人嘅作品其實一啲都唔容易。我知道今次比賽要準備嘅資料係好多，都冇諗過可以咁順利完成到！真係好多謝所有幫助過我嘅人，我嘅團隊，同業界入邊所有朋友！
STARSHK：今次成功打入世界前 6 名，仲榮獲「亞洲及大洋洲洲際皇后」，當下宣佈賽果嗰一刻有咩感想？
Monica：當大會宣佈我晉身 Top 6 同奪得洲際皇后嗰一刻，我個心真係激動到難以形容！因為背後付出嘅汗水真係太多。我亦都冇諗過會得到咁多嘅掌聲，例如係選美網上群組嘅「哥哥姐姐」，佢哋都覺得好難得可以為香港爭取到咁好嘅成績！自問我本來係一個冇乜自信嘅人，但好感恩身邊嘅人一直都好支持我、畀鼓勵我，從來都冇睇小我。
我最想多謝我背後超強大嘅香港團隊，特別係總監 Jo An Ma，以及成個星級專業團隊（Vincent. S, Season Yip, Rain Ho, Mercedes Pair）。
喺呢度，我要特別多謝幾位靈魂人物：特別顧問 Imellda Ho 喺整個過程中俾咗我好多無價嘅專業指導同心理支持，佢亦都係選美冠軍。佢更贊助咗名貴嘅 Imellda Ho Millinery 晚禮帽俾我做國際選美經典環節 National Costume（民族服裝） 參加比賽，連世界冠軍日本代表嘅團隊都非常鍾意我嘅民族服裝！
提到民族服裝，我一定要多謝美甲及造型總監 Gloria Chang（Nekoya Nail Art HK 創辦人），佢一早就幫我度身訂製咗一套好特別嘅穿戴甲，完美配襯我嗰套中西合璧嘅禮裙，成個比賽過程佢都非常之出心出力咁支持我！
另外，攝影總監 Kelvin Chan 卓越嘅攝影技術同觸覺，加上豐富嘅國際選美攝影經驗，完美咁呈現咗大部分大會要求嘅高質素影片同硬照，佢亦都係香港選美圈子入邊好有地位嘅攝影師！
最後，我亦都要特別多謝同屆嘅 Miss Peace Hong Kong 2026 亞軍 Vivienne Wai 同季軍 Luna Ho，全靠佢哋喺我出戰世界賽期間俾咗好多支持同埋配合，例如幫我做專業化妝同借名貴嘅晚禮裙俾我，充分展現咗咩叫 Sisterhood，呢個名銜絕對係屬於我哋成個香港團隊嘅！
我特別想藉住呢個機會感謝香港國際小姐（Miss International Hong Kong）主席及總監 Jenny Ngu。非常多謝佢喺 2025 年委任我為香港國際小姐聯合總監，嗰段寶貴嘅經歷令我深刻學識點樣同不同單位進行高效合作、籌劃同溝通。正正係呢啲經驗嘅累積，令我今次喺處理國際賽事各種複雜嘅要求時，能夠更游刃有餘咁帶領團隊取得成功。更重要嘅係，全靠 Jenny 主席嘅提攜同信任，令我有機會親身見識到馬來西亞以及東南亞地區極具規模嘅國際選美高標準，大大拓闊咗我嘅國際視野，絕對可以講係成就咗今日嘅我。
STARSHK：整個世界總決賽嘅過程入面，有冇咩特別難忘嘅經歷可以同我哋分享？
Monica：其實由比賽開始前，我對於2026國際和平小姐世界冠軍日本代表 Yuka Oguri 已經好深刻，我覺得佢好代表到呢個品牌，亦都好有自信！總決賽之前，佢更加用 AI 軟件幫我生成咗一張 poster，比起我自己整嘅靚好多！我真係好開心可以參加國際和平小姐比賽，亦都識到好多同我一樣美貌與智慧並重嘅 Miss Peace Sister！
STARSHK：最後，比賽結束後有咩新動向可以同大家分享？
Monica：載譽歸來之後，我已經準備好迎接一個好興奮嘅新篇章！我正式創立咗自己嘅全新選美造型企劃品牌平台——「Miss & More Hong Kong」。呢個平台匯聚咗我多年喺幕前幕後，以至而家親自出戰國際賽事嘅所有經驗。目前我會親自為有志參賽嘅佳麗提供免費嘅專業選美造型諮詢。未來，我非常期待有機會同其他有地位嘅選美品牌，以及各界優秀嘅選美佳麗進行跨界合作，一齊將香港嘅選美文化推向另一個高峰！
