【樂壇新星】「機會留給有準備的人」港大雙修才女Abby艾比 一手包辦填詞企劃《晚安帽》出戰樂壇

今集要介紹嘅係今年樂壇新人Abby艾比，從小就熱愛唱歌的Abby cover過好多熱門歌手嘅歌，也因此得到公司簽約做歌手的機會，試音嘅時候認識了監製S.Kin，雖然最終沒有簽約出道，但因緣際會下獲得了自己做獨立歌手的機會，機會永遠係留俾有準備嘅人，Abby除了歌聲悅耳之外，填詞也有一手，她今次包辦了整首歌的歌詞。

Abby畢業於香港大學，雙修中文及日文，怪唔得填詞方面咁有水準，《晚安帽》是Abby首支出道歌，講佢自己一個人喺屋企因為EMO而瞓唔着，而開咗支酒嚟飲，慢慢醉倒的情感！而靈感來自詩人李白的《月下獨酌》，歌詞中「天與海對倒 星宿間醉倒 月與影飛舞」，將《月下獨酌》的神韻發揮得淋漓盡致，而「破碎的是曾經 任理想揮霍」 應該有好多年輕人都感受過，付出後或許只得空白，但因為太鍾意而放唔低，陷入掙扎同矛盾。

Abby作為獨立歌手，在資源緊絀下，她要親力親為處理MV、設計、宣傳等所有事務，去面對每一個從未嘗試過嘅挑戰。談起MV的趣事分享，Abby 就話拍攝時太開心食哂啲薯片，因為拍攝地點太山旮旯，冇便利店補給返！而下一首也正在籌備當中，會係《晚安帽》的延續，講早上醒返時要如何面對返現實。期待Abby的第二首作品，希望年尾的頒獎禮上會見到她的名字！

記者：Tommy Tang