李施嬅出任Life Young全新代言人揭開「一人一肌・定格年輕」逆齡法則

2026-06-10 浩楠

近年憑《新聞女王》人氣再創高峰的李施嬅（Selena），今日以「逆齡智慧見證人」身份出席 Life Young壹心駿美逆齡中心全新代言人發佈會，活動於尖沙咀海港城隆重舉行。席間首播全新廣告片，李施嬅更在會公開自己10年前後的對比照，肌膚及狀態幾乎「零變化」，令全場媒體驚嘆。

狀態一直保持最young 狀態，Selena笑言全憑「預防勝於治療」：「我好鍾意做facial，第一次喺十三歲，之後年年放暑假返香港都做，十六歲喺外國讀書，個個禮拜都揸車去做facial，細個我嘅志願就係開美容院；我一直覺得要做好準備，因為二十歲嘅生活代表三十歲嘅狀態，三十歲就代表四十歲！」Selena近年人氣持續高企，成為美容院爭相招攬的代言人熱門目標，最終選擇了Life Young，Selena透露今次是由顧客變成代言人：「半年前好趕時間，想幫襯佢哋一次過做晒打斑、美白、拉提，佢哋居然唔肯，好有性格，有錢都唔賺，話為我嘅皮膚着想，好有計劃咁去做，要求高又有實力，所以大家一拍即合！」

久未在香港公開露面，今日Selena難得亮相，吸引數十名粉絲熱情撑場，她坦言心情有點緊張，活動前一晚才趕回香港，問到未來工作計劃，Selena有一套獨特見解：「我唔鍾意計劃得太長遠，都係抱住随緣心態，而家好期待同朱一龍、檀健次、梁家輝合演嘅新片《空槍》，正喺度做緊後期，希望好快上映。」Selena喜歡自我挑戰，早前破格參與內地真人騷《再見愛人5》，正是她跳出舒適圈的最佳例證：「開頭有諗過係咪要接，成個節目冇劇本，但做咗之後好值得，冇諗過講嘅嘢都爆晒出嚟，因為我覺得要真實，觀眾反應亦好熱烈，對人生經驗好有得着！」

節目內，Selena與前未婚夫車崇健（Anson）的感情關係備受關注，Anson早前出席活動直言已回復單身，但與曾拍拖八年的舊愛仍有聯絡，Selena回應：「我哋仲係朋友關係，有需要聯絡就會聯絡，我希望佢以後幸福、一切安好。」她表示已完全放下這段感情，不再執着：「呢個世界冇嘢係永遠，過咗去就過咗去，我會珍惜每一段感情；而家時間上迎接唔到，完咗呢個活動就要飛，我亦冇乜擇偶條件，合拍嘅就喺一齊，如果有人介紹，一切隨緣。」

Life Young 是專為香港菁英而設的私人美學殿堂，品牌理念強調真正的逆齡不止於外在年輕，更是一種展現自我價值、從容優雅的生活狀態。發佈會以「一人一肌・定格年輕」為主題，現場特設「360時光圈」互動拍攝區，讓嘉賓親身體驗「定格年輕」的瞬間；同場更設有「10年蛻變・初心不變」相片展，展出李施嬅從初入行至今多個階堪稱零變化的廣告照及生活照，見證她多年不變的美貌。