魏浚笙2026年校園Tour首站啟動 現身黃大仙聖文德書院 與中六學生近距離傾偈打氣 分享職場精神健康及減壓法

Jeffrey先以一曲《MY HEAD！》炒熱全場氣氛，隨後熱烈邀請羅校長上台，全校學生轟動。於訪問環節Jeffrey自爆因體質開工期間多數只飲齋啡：「其實係有時間食嘢嘅，不過為咗上鏡最佳狀態，平時開工多數都唔會食嘢。」坦率回應引來全場笑聲。

Jeffrey在分享中直言自己是一個「Slasher」，在演員與歌手身份之間切換：「拍戲要入組嘅時候就會擺多啲時間落去做演員，唔使開戲嘅日子就會做歌出歌，擺返多啲時間落去歌手呢個身份。」他又透露將於本月30號推出新歌，令在場學生相當期待。

談到精神健康與減壓，Jeffrey毫不掩飾入行後面對的壓力，亦向同學傳授減壓貼士：「遇到壓力或唔開心嘅事，唔好俾自己沉浸喺負面情緒太耐。先處理好心情，再去處理事情，咁樣可以避免喺情緒衝動嘅時候做錯決定。」

活動尾聲，Jeffrey送上《失約巴黎》，並與全校師生進行大合照。校方更安排即影即有抽獎環節，被抽中的學生可與Jeffrey單獨合照，將氣氛推向高潮。是次活動透過Jeffrey的真實分享，讓學生在輕鬆氣氛下了解職場壓力管理，達到輔導組推動精神健康的目標，同時亦為正跟DSE搏鬥中的中六生做到打氣作用。