《恒生私人銀行呈獻：財富薈萃論壇 2026》 蔡俊彥跟隨心聲加入體壇再闖樂壇 出道前先盤算使費

恒生銀行（「恒生」）為了讓客戶能在瞬息萬變的世界裡，妥善守護和傳承財富，日前特別舉辦了《恒生私人銀行呈獻：財富薈萃論壇2026》，並藉著不同議題：從「多元化投資機遇」到「退休與健康財富規劃」，再到「人工智能與機械人發展趨勢」，讓與會者從不同角度思考財富管理方針，而全日的壓軸討論，則請來新手爸爸，並即將舉行個人演唱會的方力申（小方），以及香港劍擊運動員，現時世界排名第一的蔡俊彥（Ryan），以「AI 新時代 跨代富未來」作主題，分享財富、人生及未來規劃的獨到見解。

從奧運游泳選手，到歌手、演員，再成為企業家創辦自己的游泳學校，方力申人生經歷多重轉換，最近更喜獲「爸爸」新身份。小方坦言：「面對不同階段嘅機遇，每一次轉變都係一場學習，令我學懂點樣堅持、調整心態同管理財務，呢啲係用錢都買唔到嘅經驗。我仍會不斷尋找新挑戰，好似由東京、巴黎奧運主持到內地歌唱節目主持，再由內地開唱到最近紅館個唱，條路好神奇。」

面對自己的人生，小方可以自行掌控，但對於女兒Isla的將來，他希望女兒懂得靠自己。小方道：「我自己向來使錢都有『三筆錢』概念：而家要用、將來要用、留給仔女用。啲人成日話我係富二代，但當佢懂事，我就會俾個銀行簿仔佢睇，佢就唔會再信八卦雜誌，知道要靠自己努力，醒醒定定讀好啲書。其實教小朋友，留俾佢嘅能力愈多，留俾佢嘅錢就可以少啲，如果淨係留錢，將來能力可能好低，就等於躺平。」

此外，小方亦分享，現今世代AI盛行，他在日常體能訓練上，也有運用數據分析作為訓練管理工具，亦會透過 AI 處理日常工作事務。在訓練過程中會透過由智能裝置蒐集相關指標，例如配速、心率、分段表現等，再由AI進行分析，將數據轉化為更清晰的改善方向。小方認為，AI幫助他更準確掌握訓練強度與身體恢復情況，從而調整節奏、安排訓練內容，讓他能夠以更貼近自身狀態的方式持續進步。
劍擊王者Ryan則從運動員視角剖析「財富觀」。他指自己20歲轉為全職運動員後，便開始意識到理財規劃的重要性，學懂未雨綢繆。他分享道：「我從來冇買過股票，可能我有運動員輸唔起嘅心態，所以覺得唔好博，踏實每個月儲錢，一步一步建立財富，慢工出細貨，慢工都可以出到好嘅理財方法。」小方聞言即一副外父口吻，讚道：「呢啲仔，嫁得過，我個女就係要搵呢啲。」Ryan的謹慎理財之道，就是不作高風險投資。他又道：「爸爸喺銀行工作，會睇住我理財各方面嘅嘢，所以我十分有紀律，不會亂投資。」

席間，Ryan與主持亦有分享自己最近成為歌手的故事，他道：「我其實受小方啟發。上年去咗好朋友（呂爵安Edan）演唱會做嘉賓，發現自己鍾意唱歌亦鍾意喺舞台嘅感覺，好享受喺舞台抒發一啲情緒，係一個好無形同觀眾溝通嘅方法，好特別。自己唔係一個好享受經常成為焦點嘅人，但好享受短暫焦點。當中有好多掙扎，但當初如果安守本份，就唔會成為一個全職運動員，因為當時成為全職運動員嘅時候，都冇咁多人支持運動員，既然7年前做咗一個咁任性嘅決定，7年後我想繼續跟隨我嘅內心去走，所以選擇同時做運動員同歌手。」現在同時兼顧歌唱及運動事業，Ryan坦言，當初決定做歌手時，都有計清計楚，他說：「做歌好貴，但好彩運動成績好，有幾好嘅獎金，亦都多咗商業活動邀請，所以當選擇成為歌手嘅時候，有計過上年收入可唔可以做到我想做嘅事情，仔細計清楚使費。」

聽到Ryan跟著自己的步伐勇闖樂壇，小方以過來人身分道：「我過咗廿幾年終於明白，就算演藝界做成點都好，我都係一個成功嘅人，所以唔需要理會任何批評你嘅說話，反而擺返啲心機放喺愛錫你嘅人身上，最重要有進步，所有人眼睛雪亮，一次比一次進步，你嘅fans只會愈嚟愈多。」

恒生銀行執行董事兼行政總裁林慧虹表示：「恒生相信，韌性不僅建基於穩健的財務根基，更是植根於互信關係與周全規劃。財富承載著客戶的抱負、家人的需要，以及希望建立的傳承。透過『財富薈萃論壇』，我們匯聚眾多嶄新的觀點與實用見解，協助客戶從容應對市場變化，把握新機遇。」

恒生銀行零售銀行及財富管理業務主管李樺倫表示：「客戶在財富管理方面的需求日趨多元化。恒生作為本地領先銀行，期望能協助客戶制定更清晰的財富策略。我們近年積極推動數碼科技與人工智能（AI）應用，結合客戶經理的專業服務，為客戶帶來更高效、更具溫度的財富管理體驗。未來，我們將繼續致力在客戶財富管理旅程中擔當可靠的夥伴。」