學霸歌手Ashley林愷鈴現身中環遮打賀人日 擔任中銀香港FamilyMAX「樂滿祝福音樂會」表演嘉賓

初七人日，人人快樂！中國銀行（香港）於中環遮打花園舉辦「FamilyMAX樂滿祝福音樂會」，人氣歌手Ashley林愷鈴作為表演嘉賓到場獻唱，聯同其他單位以步操樂團及啦啦隊等多元表演，為所有家庭帶來多元化的新春慶祝活動。

Ashley作為FamilyMAX「樂滿祝福音樂會」的驚喜嘉賓，仙氣登場，一出場就以招牌甜美笑容及喜慶新春造型俘虜全場！她先於台上帶來冠軍歌曲《玩味日常》，動人的歌聲加上充滿活力，令現場粉絲歡呼起哄。接著Ashley與福建中學附屬學校合唱團唱出賀年歌《恭喜恭喜》，寄語「新一年新希望新氣象」！壓軸更首度聯同國際級步操樂團珀珈斯樂團（The Pegasus Vanguard）及本地舞團Infinity Dance Studio的兒童啦啦隊合力演繹《歡樂年年》，Ashley生動演繹，將現場氣氛推向高潮，大人小孩齊齊揮手尖叫，氣氛熱到爆燈！

自小才學兼優的Ashley表示：「媽咪對我嘅成長真係好重要。由細到大，無論係學鋼琴、小提琴定係畫畫，佢都好支持我發掘自己嘅興趣。我覺得「成長」唔單止係知識上嘅進步，更加係搵到自己嘅熱情所在。所以今日見到咁多小朋友喺台上表演，我都好感觸，好似見到自己以前咁。」

談及利是錢的使用，Ashley提到：「媽咪真係會幫我『儲起佢』！平時買書、返學文具，媽咪會買俾我；但如果我見到一套好靚嘅畫具，或者好想買某一本樂譜，媽咪就會叫我用自己儲落嘅利是錢去買。媽咪仲會教我咩係『需要』，咩係『想要』，去認清自己的需求之餘亦要好好分配Budget。我仲記得有一年，我為咗買一部好想要嘅電子琴，忍手咗好耐，連最鍾意食嘅零食都唔買。各位小朋友都可以幫自己定一個儲蓄目標，用利是錢、零用錢作為開始，慢慢養成儲蓄嘅習慣，建立正確理財價值觀！ 剛剛開始有記帳習慣，記低自己洗咗啲錢喺邊，暫時最大開支喺交通上，希望今年繼續努力創作，努力搵錢，努力儲錢，希望創作途中可以搵到錢。」

除了帶來精彩的歌唱表演，Ashley更大方與現場觀眾拜年互動，親手派發親筆簽名幸運袋，邊派邊逐個同小朋友講：「馬年學業進步！人人開心，快樂人日呀！」現場尖叫、笑聲、掌聲交織成一片，整個遮打花園彷彿被新春賀年氣氛包圍！

Ashley分享她過年期間的趣事：「行花市期間，開始有人認得自己，都好有成功感好開心。另外，新年期間煮嘢畀屋企人食時，唔小心將鹽同糖撈亂咗，道菜又甜又鹹，全家笑到停唔到口！」她笑言：「呢個趣事令我覺得喺新一年，生活充滿驚喜同歡樂！」

談到未來計劃，Ashley表示她正在積極籌備新作品，已經錄好今年第一首派台歌Demo，希望能帶來更具創意的音樂，並計劃透過更多社區活動，將音樂的力量帶給每一個人。「我希望可以探索新嘅風格，同大家分享更多精彩嘅音樂。」