占士丁丁望馬年學好廣東話開演唱會 梁煒謙恨來年重現六塊腹肌挑戰演戲 陸海悠願新一年歌藝進步嘗試唱慢歌

踏入馬年，三位樂壇新人占士丁丁（Dan）、梁煒謙（Vince/表弟）和陸海悠（Hazel）聚首一堂，互相祝福之餘，也向全港巿民拜年，祝願大家都有個開心愉快的馬年。

回顧剛過去的蛇年，因三人都是新人年，所以同樣認為是個難忘新開始的一年，但也有想改進的地方。占士丁丁最想可以增加工作量，「蛇年係好神奇嘅一年，我同Eric Kwok組成DJ組合『HOHOONE』，仲可以推出廣東歌《我的格言》，真係好開心，但係可以再忙啲，我真係好鍾意做嘢㗎！」剛在新城勁爆頒奬禮奪得勁爆新人銀奬的Vince，認為蛇年是豐收的一年，除了嘗試了多個第一次外，還學習了很多新事物，但仍有不足之處，「出道第一年真係試咗好多新嘢，最預計唔到係年尾仲可以攞獎，但都有啲唔滿意，特別係身材上，我讀中學時有六嚿腹肌，所以希望新一年能夠操返fit。」以跳唱歌為主的Hazel，開心出道短短一年，演出已較穩定，「我滿意嘅就係家唱歌跳舞唔會喘氣，我唔滿意嘅就係有時唱歌仲會走音。」

講到農曆新年的習俗，占士丁丁雖然只在港住了兩年，但之前曾在內地住過8年，所以一點都不陌生，「見過舞龍舞獅同燒炮仗，真係好熱鬧好好玩，有機會都想再見到。我梗係最鍾意逗利是，恭喜發財！利是逗來！最鍾意食蘿蔔糕同埋炸油角！好好味！」愛熱鬧的Vince就最愛過年的節日氣氛，「我特別鍾意睇舞獅同燒炮仗，至於新年食品就最鍾意食蘿蔔糕，總之係澱粉類嘅食物我都鍾意。至於最難忘就係舊年，雖然當時我仲未正式出道，但係已經有機會去電台嘅團拜活動，見到好多藝人朋友，嗰時作為一個仲未出道嘅新人，所有嘢都好新鮮好神奇。」Hazel在新年最愛跟家人團聚，「我好鍾意行花巿，同埋同屋企人食團年飯，我特別鍾意食就係蘿蔔糕同埋年糕。我最難忘嘅一個新年，就係舊年同表弟表姐一齊去玩機動遊戲。」

談到馬年願望，占士丁丁首要是學好廣東話，「學好廣東話可以出多啲廣東歌，最希望有機會可以開到演唱會。另外，同Eric Kwok組成DJ組合『HOHOONE』，新年會去杜拜演出，希望新一年可以去更多地方演出。」

Vince就想新一年除了操fit身形外，還希望音樂上有所突破，「希望喺歌曲創作上多啲參與度，曲詞編監每個崗位都可以試多啲，大家都會喜歡我嘅作品，其實我仲有個演員夢，希望喺演員呢條路上面可以再探索吓唔同嘅可能性。」

至於Hazel就希望新一年不再走音外，也想挑戰唱慢歌，「我希望寫多啲唔同嘅歌，譬如廣東歌同埋慢歌，另外可以有機會試吓演戲。