黃凱芹舉行《黃凱芹40年來香港演唱會2026》 搵周慧敏阮兆祥余劍明合唱《數十年後》紀念入行40年講明不會唱別人的歌

「情哥王子」黃凱芹(Chris)將於2026年3月6日及7日,假紅磡香港體育館舉行由耀文化、星藝制作主辧,168 Production、娛泰文化、毅盛金融、大航假期協辦的《黃凱芹40年來香港演唱會2026》,日前(1月14日)舉行記者招待會交待詳情。

招者會甫開始,先播出黃凱芹親自作曲及填詞,由鄭丹瑞獨白、黃凱芹、周慧敏、阮兆祥和余劍明合唱的全新歌曲《數十年後》。黃凱芹談到相隔4年再在紅館舉行演唱會,他講明今次演唱會特色就是不會唱別人的歌,「以往演唱會我都會唱吓人哋嘅歌,或者自己作畀人嘅歌,但今次作為紀念入行40周年嘅演唱會,係有特別意義,講真要喺我唔同階段,譬如寶麗金同飛圖年代,同埋之後自己出歌,其實要揀都好多歌選擇,所以唱自己歌都未必唱得晒,所以今次演唱會特色就係唔會唱人哋嘅歌。」

提到請得周慧敏、阮兆祥和余劍明合唱的全新歌曲《數十年後》,《黃凱芹40年來香港演唱會2026》會否也請一班好友任嘉賓呢?黃凱芹表明未成事就無謂開空頭支票,不過他覺得大家合作卻有特別意義,「我以往演唱會都好少請嘉賓,但係我40年前係電台出身,搵呢班舊同事一齊合唱係有特別意義,估唔到咁多年後大家都仲喺呢行發展,大家亦都喺唔同崗位,阮兆祥做咗開心果,Vivian(周慧敏)歌影視都有工作,余劍明就係媽咪同人哋妻子,但同時亦有DJ,大家過住不同嘅幸福人生,做緊自己鍾意嘅工作。」至於講到最希望出席的嘉賓,黃凱芹最想恩師能夠出席演唱會分享喜悅,「我入行係鄧藹霖帶住我,佢教咗我好多咗嘢,係我恩師嚟,真係好希望佢可以參與到今次演唱會。」

談到最近推出兩首新歌《數十年後》及《歌舞連場》,黃凱芹表示一直有寫歌習慣,所以會定期推出實體唱片,加上今年40周年別具意義,於是在舉行演唱會前會先推出專輯《數十年後》,除了這兩首新歌外,還有親自創作其他新歌,「《數十年後》呢首歌同專輯係同名,我創作時冇諗住係合唱,但係配合返40周年,搵埋一班舊同事合唱會更加好,最初除咗鄭丹瑞、周慧敏、阮兆祥、余劍明外,仲最搵埋何嘉麗同林珊珊,但監製聯絡遲咗,但係今次合唱到都好開心,而比較輕快嘅《歌舞連場》,就想配合返演唱會時嘅舞台feel,演唱會一定會歌舞連場。」

《黃凱芹40年來香港演唱會2026》
主辦機構:星藝制作有限公司
合辦機構:耀文化國際有限公司
舉行日期:3月6日及7日(星期五及六日)
舉行地點:香港紅磡體育館
票價:$1080 / $780 / $480
票務資料:URBTIX城巿售票
開售日期:2026年1月15日上午10時