羅頌欣、馬嘉均、布偉傑話劇《第5街的鑄造師》演出 八號風球無阻擋觀眾入場 全場滿座

九月第一個週末，羅頌欣、馬嘉均、布偉傑，完成咗兩場話劇《第5街的鑄造師》嘅演出，全場滿座。特別係9月7號晚上，懸掛八號風球都無阻擋觀眾入場睇劇，令人十分振奮！

第一場話劇還有 電影導演蔡繼光 和 蕭新泉編劇到場觀賞，兩人的評語也很高。蕭sir更提到演員們勇敢地在觀眾旁邊演出，十分專業。

藝人羅頌欣提到該演出排練咗一個多月，一開始接到呢個小說劇本，覺得好鍾意，所以就一口答應演出！這個表演十分有挑戰性，情緒大起大跌，唔到最後一刻，觀眾都未必估到結局。

劇情峰迴路轉，錯綜複雜，全靠導演阿key 同埋小說作家藍凝雪的導戲和編排，半年前已開始傾談細節，令到故事更引人入勝。

 

 

羅頌欣Debbie仲提到，佢本身唔識彈琴，喺演出中要表演一段鋼琴演奏，所以早早就開始練習，而且喺劇中都有一段形體舞去表達情感，幸得觀眾們都好喜歡，覺得非常鼓勵！
Debbie深信 演員為咗演出，真係咩都可以做得到！ 她特別多謝馬仔的指導，她說馬仔一向喺音樂上面都幫過她，以前唱歌表演，到而家鋼琴彈奏都多得馬老師教導。

除了羅頌欣同馬嘉均喺劇中互動，仲有tvb御用 鬼佬布偉傑都有參與，劇中他是一名攝影師，係故事裏面係Debbie嘅人生導師，因為他令到女主角嘅轉變好大。

其他演員盧俊鈞，Faye Ho，Mokit，角色人物設定好突出，令觀眾留下深刻印象。

《第5街的鑄造師》會在整個9月的週六日演出，現時八場話劇都 Full house售罄門票，成績令人鼓舞！有興趣嘅觀眾可以留意key Theatre劇團嘅動向，下年6月可能再有下部演出。