守護孩童脊椎 全新Cute版公仔首登場 MoonRock X Captain Nancy書包新品發佈會 | 薛家燕帶同4歲孫仔Julian現身書展 合演「Nancy Dance」

薛家燕帶同4歲孫仔Julian於今日（16日）到灣仔會展出席「MoonRock X Captain Nancy書包新品發佈會」，期間更與14位家燕媽媽藝術中心的學生於台上表演全新「Nancy Dance」，並宣佈Captain Nancy首個Cute版公仔正式登場，更獲邀與護脊書包品牌MoonRock強強聯手，推出共四款全新護脊書包及手提書包系列，貼身守護孩童成長。

家燕姐自2018年推出歌曲《Captain Nancy》後，快樂女超人形象深入民心，廣受大人與小朋友的喜愛！家燕姐決定以Captain Nancy的造型創作Cute版公仔，為大家帶來驚喜：「平日出街，好多後生仔都叫我Nancy，好開心，覺得同後生仔拉近咗距離，自己都即刻年輕啲。同埋最近好興嗰隻毛公仔，珊珊就話不如我都整一隻，我覺得好好呀，好可愛。」除了年輕人，家燕姐亦希望更拉近與孩童的距離，她笑謂：「Captain Nancy就係想帶正能量畀大家，見到個人Cute版公仔可以提醒小朋友，只要肯努力讀書，每個人都可以成為『Captain Nancy』，做個獨當一面嘅人。我想做到小朋友嘅好朋友，藉住Cute版 Captain Nancy，走入更多後生仔同小朋友嘅世界，成為佢哋嘅守護天使，陪伴唔同年齡層嘅人成長。」

為隆重其事，家燕姐更帶同寶貝孫仔Julian，以及14位家燕媽媽藝術中心的學生，於台上表演重新編制、融入孭書包正確方法的「Nancy Dance」。Julian完成表演準備到台下休息時，望着家燕姐說：「係咪一陣送個書包畀我呀，嫲嫲？」她即甜笑說：「好吖，一陣再同你玩。」可愛互動，惹來全場鼓掌。

司儀游莨維（Master Joe）與家燕姐一同介紹全新「MoonRock X Captain Nancy」系列書包，她非常關心孩童書包重量衍生的健康問題：「而家小朋友返學真係帶好多嘢，又書又文具又水樽，好容易影響脊椎健康，尤其係低年班嗰啲。我之前喺馬來西亞同MoonRock合作過，覺得佢哋嘅書包質量真係好好，所以今次可以喺香港推出呢個新系列，我覺得好榮幸。」

提到Julian今日亦有份演出，家燕姐不禁冧笑：「佢上台唔驚㗎，有少少我嘅基因，多謝我新抱同個仔教佢。Julian話自己跳十字步好過我，我都覺得係㗎。」她大讚護脊書包功能性與美觀兼備，Julian已擁有兩個靚書包，亦推薦予不少已為父母的藝人朋友：「我家姐啲孫都有㗎，好嘢要分享！」接着，家燕姐與現場觀眾玩遊戲、送禮物，場面熱鬧，最後她與品牌老闆Alvin、Julian及一眾演出的學生合照留影。家燕姐於活動後透露，稍後將到澳門、馬來西亞等地工作，並會舉行慈善義賣活動。

MoonRock是全球唯一獲得美國脊椎神經科協會認證、德國健康與人體工學研究所認證的護脊書包品牌，成為全球唯一擁有國際雙認證的護脊書包品牌。產品結合功能性、個性化設計與童年樂趣於一身，實用同時充滿巧思。全新「MoonRock X Captain Nancy」系列書包，備有多個隱藏間格與機關設計，旁邊有掛扣位，方便掛上Nancy公仔及不同的小配件；專利PCT鋁框系列，無需腰帶，有效減負肩部壓力達70%，以「科學 X 關懷 x 護脊」為宗旨，製作「背上輕才是真的輕的」的護脊書包。

書展期間，於MoonRock攤位購買書包產品，即可獲全單低至八五折的期間限定優惠，如購買全新「MoonRock X Captain Nancy」系列護脊書包，更可免費獲贈限量版公仔，歡迎到場選購，欲購從速。