陳凱琳甜點品牌再發功 搶推月餅禮盒 獨家聯乘Mixx Collection 大玩直播預售

藝人陳凱琳（Grace）聯手Miss Marble Bakery創辦人Fafa打造的「低糖奢華」朱古力品牌 Dulce Vida 再有新搞作！繼中環限定店引爆全城搶購潮後，二人今次搭上本地爆紅直播平台 Mixx Collection，於日前開播「獨家預售Live」，狂推招牌杜拜開心果黑朱古力、海鹽焦糖蝴蝶餅黑朱古力等皇牌產品外，更率先曝光「中秋限定朱古力月餅禮盒」試水溫，吸引逾3,000網民衝直播「捕住搶」，留言區瞬間被炸洗版！

新口味搶先試 黑芝麻殺入戰局
禮盒以低糖黑朱古力為基底，保留人氣杜拜開心與海鹽焦糖蝴蝶餅口味，更驚喜加入「全新黑芝麻朱古力」！其選用日本焙煎黑芝麻，撒上海鹽，層次從濃郁堅果香過渡到芝麻焦香，連直播女企ViVi試食完都失控狂讚：「真係顛覆傳統，芝麻味濃到爆燈，甜度拿捏剛剛好——唔係死甜！Grace同Fafa擺足心機，我哋成Team人食到停唔到口啊！」

Mixx Collection搶先曝光及限定預售Dulce Vida「朱古力月餅禮盒」; 黑芝麻口味新登場。

放閃曬「為食」囝囝 老公鄭嘉穎口味超反轉
直播中Grace除分享創業心得外，更閃曬老公鄭嘉穎與囝囝們的「朱古力攻防戰」。原來囝囝成日「監察」媽媽：「佢哋見我成日食朱古力就會指住笑：『Oh! It’s mommy’s special time!』，跟住八卦又問：『What’s the flavor?』，想分一口食！」至於老公鄭嘉穎口味？全場估海鹽焦糖或士多啤梨爆炸糖，Grace卻揭曉 「大冷門」答案：「哈哈，佢比較鍾意杜拜開心果！話夠Nutty呢！」

杜拜開心果黑朱古力排，男女都Like!