黎瑞恩接受新城「開心大派對」訪問 演唱會要求高 欣賞姜濤新歌感動落淚
黎瑞恩(小恩子)今日現身新城接受薛家燕、范振鋒、思敏「開心大派對」節目訪問,家燕姐恭喜小恩子快將於10月19、20日於西九戲曲中心大劇院舉行兩場《V Union恩賞・演唱會2024》。小恩子坦言:「呢個演唱會發生得好特別,本來計劃明年才開個唱,主辦突然話有場地兩日檔期,所以就即刻成事,好鍾意呢個場地,好壯觀,聲又靚。」
家燕姐表示很欣賞小恩子對音樂及唱歌要求高,小恩子即說:「係好執著,有少少唔完美都會瞓唔著。練歌時覺得唱得唔太好,就會瞓唔著,個腦靜唔到,不停地諗。」因為演唱會無形壓力,小恩子上星期連續發燒了兩天,現在出街都戴著口罩。
三位主持跟小恩子談到新一代歌手最欣賞那位?小恩子表示女歌手欣賞方皓玟,男歌手欣賞姜濤。阿范問小恩是否也是「姜糖」(姜濤粉絲)?小恩子笑言:「仲未係『糖』,好欣賞姜濤好有情感,聽了他的新歌《Dear My Friend》故事好感人,聽到忍唔住哭。」家燕姐與阿范再談到人生,小恩子坦言:「依家我好化!以前就唔化,小小事就會嬲,依家好平常心。」
小恩子今次演唱會呼籲大家不要送花籃及禮物,把錢捐贈慈善機構「快樂港仁」,阿范問唔怕沒有花籃場面冷清?小恩子即說:「唔怕,反正花籃只放兩日,好浪費,而且『快樂港仁』贈醫施藥,好有意思,每捐100元就可以幫一位老人家針炙,一個花籃的錢就可以幫到好多位老人免費針炙。」