《查無此人》首映團魂炙熱 余凱祺黎紀君情侶裝亮相 陳穎妮唔睇劇本接性感戲

新片《查無此人》已定於今個月23日正式上畫,出品方UP MEDIA昨晚在銅鑼灣舉行首映禮,演員鄒文正、余凱祺(Kaylee)、黃定謙(Himmy)、黎紀君(Christy)、陳善渝(Odi)、張松枝、陳穎妮(Winnie)、李濰靜(Marvia)等以及導演兼監製孫立基、聯合監製鄭峰嵐、編劇陳行、出品方 CEO Simon均有出席,場面熱鬧。各演員悉心打扮,女主角Kaylee與戲中戀人Christy心有靈犀,不約而同穿着白色晚裝亮相,而男主角鄒文正則以白馬王子look現身,三位演員襯到絕。

 

首映儀式上,各演員分別談及拍攝感受。首次擔正做主角的鄒文正和Kaylee都感激導演在拍戲時指導及分析角色,Kaylee說:「自己第一次演出比較緊張,同埋戲份重、情緒戲都幾多,自己會寫低角色每日諗啲咩,有唔明白就搵導演傾下偈。」張松枝的角色是個性情兇狠的Big Boss,出場雖短但每次都好爆,司儀問他如何做到時,松枝笑說:「都係畀導演迫出嚟,佢想要我幾惡咪幾惡,佢肯畀錢我、肯畀戲我,啲嘢咪迫晒出嚟囉。」司儀指飾演劏房財演的黃定謙戲內不時着底褲及要與女演員交集,黃定謙即說:「因為角色陣未發跡,未夠錢買面褲,所以喺劏房嘅時候都係着住條孖煙通;冇同好多女演員好多交集,最主要同Odi,我女朋友Marvia係神交,face time多,係精神上交集。」

陳善渝又提及其神秘冷艷房客角色需着超貼身性感戲服,她在試造型時已知好大鑊,「多謝導演鞭策,我試完啲衫之後…大鑊啦!真係冇得懶,多啲啲肉都着唔到效果出嚟,但呢個安排係有原因,唔會無緣無故着得咁性感,自己都不斷做gym做gym同做gym,但我好鍾意食嘢,所以係冇戒過口嘅ok?」至於黎紀君就稱初時都擔心拍女女感情戲:「對我係好大挑戰,但我lead住Kaylee之後就放心好多,因為佢係一個好開朗嘅女仔,同埋我哋兩個一拍即合,所以拍嘅時候完全冇任何尷尬感覺,反而拍得好安心。」

Marvia李濰靜扮演黃定謙的內地女友,帶口音又要性感演出,她坦言是個挑戰故感緊張:「但口音冇擔心,因為我平時有留意開啲遊客講嘢,唔知點解學識咗。」陳穎妮飾演直播囡囡,為令網民課金,每次開live都要cosplay或作性感打扮;原來早於試鏡時,陳穎妮單係試造型要6個鐘不斷更換衣服,但她連劇本都未睇已爽快接演:「因為嗰時我第一下收到呢個消息之後,咦,有人搵我性感?呢世都可能未必發生嘅事,同平時形象好唔同,所以想試下。」


最後在儀式上團隊大合照,聯合監製鄭峰嵐表示:「近幾年大家最關心香港電影會唔會走下坡,但大家今日見到,仍然有一班熱血嘅工作人員為我哋嘅電影默默耕耘,雖然我哋冇好強勁資金,亦冇大卡士、大明星助陣,但我哋有嘅係對香港電影嘅熱誠。」主創亦感激投資方UP MEDIA支持,令電影順利完成。

浩楠

Stars-hk 創辦人, 希望建立一個只談專業, 不談八卦的娛樂資訊網站。