王偉彤與陳頴嵐加盟電影公司(永星國際) 向電影夢進發


疫情稍緩,香港電影業開始返嚟喇!陳頴嵐(嵐嵐)和王偉彤(Tony原名王瑋彤)近日在前66文化傳播經理人(Edmond)帶領下,正式簽約加盟電影公司(永星國際),即將參與電影、網劇等工作,據知8月已有新電影開拍,跟隨其後接拍的大型網劇也正在籌備當中。今套新電影,經理人Edmond更得到電影公司信任,邀請擔任新戲統籌,承蒙各方的支持,Edmond 表示非常感謝參演的藝人好友咁撐自己!


而王偉彤(Tony) 一直都唔想俾人話靠哥哥王浩信,近年尼不斷憑自己努力獲得多個劇集角色,亦唔介意只係做配角,因為唔希望放過任何一個可以演出的機會!據知哥哥王浩信都好支持細佬入行,但就堅決表明唔會出手拉關係,因為想Tony可以好似自己咁,靠自己努力做到成績出嚟。而Tony今次即將演繹的角色,具有十分大的發揮空間,佢表示希望可以比到驚喜大家!


陳頴嵐(嵐嵐)舞台劇出身的佢,幕前形象一向大癲大肺,據聞今次電影導演就係睇中佢夠癲夠放,希望佢可以本色出演,嵐嵐就表示知道有機會參演電影之後,連續幾日都擔心到瞓唔著覺,因為知道公司好錫佢,唔想令大家失望,所以近期都唔敢鬆懈,繼續努力train自己 ,除咗演戲唱歌彈琴,重打拳操fit d 自己的體能,希望自己隨時ready,可以應付到唔同的拍攝工作同角色。

浩楠

Stars-hk 創辦人, 希望建立一個只談專業, 不談八卦的娛樂資訊網站。