《聲夢傳奇》參賽者分享最愛K歌 張敬軒加入任保姆


Yahoo!人氣節目《Yahoo Lunch K》一直以來都深受網民歡迎,人人爭相跟住一眾歌手大合唱。昨日5位《聲夢傳奇》的參賽者齊齊現身,跟網民分享他們揀選的心水K歌,結果令網民齊齊失控瘋狂留言力撐,更創下《Yahoo Lunch K》自開播以來最高收看人次紀錄。

《聲夢傳奇》自播出以來一直深受樂迷關注,幾位晉身決賽的參賽者均成為人氣王,Yahoo!有見及此,特別邀請了其中五位參賽者:炎明熹(Gigi)、姚焯菲(Chantel)、文凱婷(Aeren)、鍾柔美(Yumi)及何晉樂(Rock)於昨日現身《Yahoo Lunch K》,與網民分享他們的最愛K歌,而且更將節目由原本30分鐘加長至45分鐘。聲帶康復中的Gigi在直播時獻唱了周興哲〈永不失聯的愛〉,超水準的表現引來網民炸爆留言,直指應該直接出道,而Yumi則應網民要求,揀選了Roberta Flack〈Killing Me Softly With His Song〉一曲,被網民稱讚是天使的聲音,至於Chantel翻唱了Jude〈零分〉,網民亦大讚她表現100分!而Aeren與Rock分別演繹衛蘭〈他不慣被愛〉及周興哲〈我很快樂〉,二人都遊刃有餘,贏得網民瘋狂派心心。5人最後合唱了陳凱詠與林家謙合唱版〈隔離〉及林俊傑、蔡卓妍〈小酒窩〉,加長版的《Yahoo Lunch K》才圓滿結束,結果5人超水準的演出,令節目於直播時段收看人數爆燈,創下開播以來最高收看人次紀錄。

Gigi得知受到網民愛戴,令節目收看人次成史上最高,她即興奮道:「冇諗過咁多人睇,收到消息都好驚訝,好多謝大家鍾意聽我哋唱歌,鍾意睇我哋互動。」今次以唱K形式與網民聚首,眾人坦言比起參賽時輕鬆得多,其中Rock道:「冇評判,又可以睇到啲留言同Fans互動,好開心。」Aeren則道:「唔使擔心邊啲位會扣分,又可以揀自己想唱嘅歌,爽!」講起唱K,即問各人過去唱K的難忘事,Chantel便道:「第1次唱K係喺我10歲生日嗰陣同屋企人去唱,去到先知唱K間房會黑晒,所以一入到間房就覺得好得意。」Gigi也說起她10歲的經驗,道:「嗰次唱到臨走時,想挑戰自己,就諗起林俊傑試過唱〈輸了你贏了世界又如何〉,覺得佢係男仔,我係女仔,唱起上嚟應該唔係幾高音,應該唱到佢個Key,結果係唱到,但第二日就出唔到聲,而嗰次就係我第一次冇聲嘅經歷。」

輕鬆參與《Yahoo Lunch K》過後,5位嘉賓就要再次投入準備《聲夢傳奇》決賽的演出,最近節目有張敬軒的加入,問到大家與這位「保姆」相處後,可有增加壓力,眾人齊齊擰頭,其中Yumi說:「起初係有緊張嘅,會收收埋埋,但慢慢開始熟絡,就發現真人非常nice,幫咗我哋好多。」Gigi則說:「如果用一家人嚟形容,李生(李克勤)就係爸爸咁會俾意見你,而張生(張敬軒)就好似哥哥咁嘅溝通方式,兩個都一樣親切。」至於本身是張敬軒粉絲的Rock,則興奮道:「好安心,即刻對呢個比賽充滿希望,佢講出我嘅問題時講得好到肉,加上俾偶像指點幾句,實在非常幸福,由心入面甜笑出嚟。」Aeren則說:「平時留意佢搞笑個性,都諗過真人係咪咁搞笑,係咪咁nice,點知見到真人係一模一樣,成個人即刻放鬆,不過主要因為有機會同佢合唱,有佢帶住成件事開心晒!」Chantel也說:「相處咗唔係太耐,但已經俾咗好多意見我哋,教咗我哋好多嘢,喺佢身上學到好多嘢。」

問到5人若有機會與張敬軒合作或共處,眾人可有甚麼狂想,Aeren即道:「最想一齊拍真人騷,然後一起跳笨豬跳,就可以係最貼身嘅合作,實行You Jump I Jump!」Yumi也笑著說:「玩遊戲都唔錯,要For Fun嘅,咁就可以同佢親密啲,變得Close啲Friend啲。」Gigi則說:「既然李生係爸爸,張生係哥哥,不如一家人食餐飯,但當然要係喺疫情過後。」Rock亦都想到靜態一點的相聚,他說:「我都好想同佢一齊食飯,傾下偈。食咩冇所謂,張生揀,我最主要想知佢諗咩,或者佢會做啲咩,先可以做到佢而家嘅天王地位。」至於Chantel的狂想,反而希望成為張敬軒!她說:「我想試下跟佢每一日嘅習慣去生活,同埋跟佢嘅Schedule體驗下佢嘅工作日程,be him for a day(成為他一日)。」

浩楠

Stars-hk 創辦人, 希望建立一個只談專業, 不談八卦的娛樂資訊網站。