謝高晉為新歌《一對受害人》MV拍攝瞓身操肌

2021-07-072021-07-07 浩楠謝高晉

謝高晉最近完成新歌《一對受害人》MV拍攝，這首歌曲講述一個充斥著愛與恨的愛情故事。甜蜜的愛情故然每個人也憧景，但有的愛情，雙方可能也曾經做過一些背叛對方的事情，彼此欺瞞。敗露時，愛便會隨即演變成恨，一段美好姻緣也因此破裂：「所以愛同恨係不可分割，相信每個人都喺愛情路上有過一定經歷，無論結果係點都好，每一段愛情都會令一個人成長。」

謝高晉今次MV 在導演安排下更加瞓身出浴：「前排落力健身操練，將一個原本60日嘅挑戰縮短到30日內完成，都有D成果，適逢今次MV 終於有用武之地。」（有無覺得怕醜？）「少少啦，但大熱天時拍MV有得大條道理沖個靚涼都係一件幾開心嘅事。」

被問及對今次新歌有咩感想，謝高晉指：「期待咗好耐，終於好快可以擁有一首屬於自己嘅情歌，而且非常興奮可以有咁強大嘅音樂班底。」（錄音過程有咩得著？）「今次第三次同舒老闆（舒文）合作，由我出第一首歌到依家，佢都恨鐵不成鋼，非常有耐性咁教識咗我好多歌唱上要注意嘅嘢，所以真係好多謝佢。」