倪辰Lala帶病出席音樂會發佈會 望跟RF2band 作音樂交流


今日倪辰Lala喺商場舉行佢自己嘅處女show「music in lalaland音樂會發佈會,不過早兩日Lala食物敏感身體不適,有部份通告都取消咗,所以今日Lala是帶病出席。Lala好擔心現場嘅表現,不過好彩都有平時嘅表現八成,已經好滿意了!

今次主要係食龍蝦會敏感,不過早兩日去朋友屋企食飯,佢哋煮咗個餸原來用龍蝦湯底,食完返到屋企之後就開始出事了。

賣飛情況反應都好好,好開心一直有咁多朋友及粉絲支持自己,所以我會繼續好好調理身體,當日可以用十成功力演出答謝大家!

今日第一次見RF2band三子都有啲驚喜,三人真人都係靚過上鏡!我有直接問佢哋可唔可以幫自己作一首歌,我自己填詞,佢哋都一口答應!希望之後可以同佢地多啲交流創造更好嘅音樂,自己做開的Online show都好想邀請佢哋一齊參與,覺得三子很有才華,希望大家會期待我哋一齊之後嘅演出。

浩楠

Stars-hk 創辦人, 希望建立一個只談專業, 不談八卦的娛樂資訊網站。