[浩楠飲食] 「鼎家喜筷」鼎爺的味道

今日食完午餐,就去左 荃灣 Donki 行街,去到海之戀商場,見到三樓,原來鼎爺除左私房菜,又開左新餐館叫「鼎家喜筷」,菜色睇電視就睇得多,今次真係可以試到鼎爺既菜式。所以就早少少 4點幾就食晚餐。

溫泉蛋四寶飯
睇食評個個都有點招牌溫泉蛋四寶飯,所以都點了 。溫泉蛋用來伴飯原來咁好味。另外三寶就有燒腩仔,叉燒仲有招牌燒鵝。叫一個4寶飯就可以食晒三種燒味,總之招牌燒鵝就一定要試,個特製醬汁一定要試下。

麻辣手撕貴妃雞撈丁
麻辣蒜香涼拌手撕貴妃雞撈丁,鐘意食辣既唔好錯過,我食完都愛上,不是太辣,但很滋味。

 

炸蓮藕片
脆炸蓮藕片,燒味夾饃雙拼(2件)。脆炸蓮藕片我覺得必吃,好香脆,做小食一流。

夾饃一件是叉燒,另一件是燒鵝,我就鐘意燒鵝個件多啲,有吃北京填鴨既風味。

特飲
特飲我們點了柚子乳酸沙冰 及 凍薄荷檸檬蝶豆花。薄荷檸檬蝶豆花好靚藍藍紫紫,飲落很清涼。柚子乳酸沙冰 就酸酸地好開胃。

北海道牛乳雪糕

食完飯,記得要點北海道特濃5.0 牛乳雪糕。好濃牛奶味,好滑,不要錯過。

 

 

浩楠

Stars-hk 創辦人, 希望建立一個只談專業, 不談八卦的娛樂資訊網站。