書展再改期 「17人氣第一女主播」宣娜(Sheena)出聖誕版慰粉絲


書展原定於七月舉行,之後又改到十二月,最後宣佈因疫情關係取消改至下年暑假再搞。「17人氣第一女主播」宣娜(Sheena)今年推出的性感寫真《「Capsule Girl 夾物女友」 Sheena 2nd Photo Book 》宣傳活動再度延期,作品更要租用迷你倉暫存。但Sheena決不令一眾宅男粉絲失望,自己再掏腰包付出三萬元製作聖誕特別版寫真。以六款性感聖誕女郎造型拍攝的她更親手為粉絲準備聖誕小禮物。

Sheena話:「原本有預Budget一年一度同家姐去旅行,大家最鐘意約去日本浸溫泉同買日本動漫Cosply造型衫。但今年飛唔到就將旅行同Shopping budget全部拎出嚟做聖誕特別版寫真照。比Fans止止血先,唔想應承咗佢哋改期又改期,拖一年拖到下年先兌現承諾。」

疫情中多個活動取消,長期宅喺屋企嘅Sheena更加努力開直播,實行一星期七日晩晚陪粉絲。粉絲多咗留喺屋企,又因為聖誕節見唔到面,粉絲晚晩大送虛擬禮物,令Sheena收入不減反增。剛剛十二月份多得一眾網民鐵粉支持投票同送禮物,令Sheena在人氣網絡平台「17」的聖誕大賽中擊敗過百個來自中港台的大熱主播。榮獲第一名嘅Sheena換得聖誕封面代言之位,更有豐富奬金。

浩楠

Stars-hk 創辦人, 希望建立一個只談專業, 不談八卦的娛樂資訊網站。