朱紫嬈跟冼灝英師傅學大聖劈掛

歌手朱紫嬈Khloe近日參與電視劇《使徒行者3》 的演出,一改以往斯文形象,飾演反派角色冼師傅嘅左右手。Khloe 表示 「好開心有機會參與咁大製作嘅拍攝,做一個同自己性格完全唔同嘅角色,挑戰好大。 雖然角色嘅戲份唔算多,不過多謝公司俾機會我去演出,我拍攝劇集的次數唔多, 所以今次有機會拍攝《使徒》可以同咁多前輩一齊開工,真係學到好多嘢。」

另外Khloe 自從認識了冼灝英師傅之後,就跟隨師傅學習大聖劈掛功夫。 Khloe補充「最初跟師父學功夫,係想強身健體,順便瘦身減肥!疫情之前, 我一星期上兩、三次堂,每次都打到周身瘀傷。 本來我身體比較差,但上左兩個月之後 ,就feel 到自己身體好咗好多, 新陳代謝快左 ,肌肉都多左,有朋友仲改口我叫做大咪Khloe 。」

下了不少功夫的Khloe ,現場所見打拳、出拳、雙刀、耍劍都有晒功架,冼師傅表示呢位徒弟唔怕辛苦,乜都肯試,希望Khloe之後可以拍多些打鬥戲 。

浩楠

浩楠

Stars-hk 創辦人, 希望建立一個只談專業, 不談八卦的娛樂資訊網站。