何展睿藉新歌《逆光》 與歌迷一同行善


創作歌手何展睿(Steve)發表最新「抗逆」正能量新歌《逆光》,新歌帶出逆境自強、積極面對人生的正面態度。他笑言:人生就像茶葉蛋,茶葉蛋要有裂痕才入味,就人生要經過「熬」這個階段,勇敢面對挑戰,人生才會成長。

音樂上以新歌勉勵大家一同抗逆,為了配合新歌正向態度,Steve表示行動上更會發動「逆光送暖大行動」:「我會落區直接送上自己《逆光》唱碟比大家;派發防疫用品:其實係年中就已經準備好,但個時疫情反彈,唔係好適合。另外,我都好感恩,因為自己出道短短一年,歌迷都主動參加活動,岩岩又正式成立歌迷會,所以同一班歌迷一齊制作飾物用嚟義賣。而日後既聚會或者活動都以做義工為主,希望生命影響生命,一齊幫番社會嘛!」

堅持親力親為,表現誠意
無論音樂創作、MV制作以至唱碟設計等Steve都參與其中,他謂:「親身製作可以監控質素,過程雖然費時,但絕對能夠從中學習。每一個盒、每一個簽名都係傳遞心意既途徑,享受過程,感受滿足感」。他更認為每人每天擁有的時間一樣,最重要是懂得分配時間,覺得充分運用每一天可考驗他的時間管理能力。

新歌生日上架,警惕要注重身體
講到新歌安排於9月26日全線上架,原來當中有原因:「因為9月26日係我既生日,記得上年好唔錫身,教學同樂壇宣傳兩邊都好忙,最後忙到病咗好耐,整到去電台、電視台宣傳每次都要食住藥去,影響表演水準。所以今次將新歌放係生日發表,想警惕自己要注重身體狀況,唔好不停衝。依架我都經常去跑步、踩單車,至少跑十公里,想做個十公里先生嘛!」

浩楠

浩楠

Stars-hk 創辦人, 希望建立一個只談專業, 不談八卦的娛樂資訊網站。