雷深如J Arie 搵C AllStar King 整《雙面哈菲》EDM Remix 版


雷深如J Arie《雙面哈菲》繼搵左rapper FUTURE同beatboxer Heartgrey 做 Trap Remix之後,今次再搵咗C AllStar DJ King 整咗EDM Remix! 同C AllStar四子其實之前都有喺唔同嘅場合各自有傾過計,都知道佢哋各自係咩性格。佢地solo之後,其實一直都有留意DJ King既動向,因為佢最愛係EDM,可能係全球趨勢,但係廣東歌比較少有呢種風格,所以好值得欣賞,同埋我覺得佢打碟嗰陣時好型會忍唔住係咁望哈哈!

其實今次搵唔同嘅音樂人Remix,係想發掘廣東歌唔同嘅可能性,亦都放心俾DJ King, FUTURE 同 Heartgrey自由發揮,鍾意改編到幾癲就幾癲,任玩唔嬲!有次上左DJ King studio諗住聽Mix, 好耐冇見一入到門口,我哋驗證左我地頭髮既顏色,竟然係不約而同地一模一樣!嗰次佢studio整冷氣,喺完全冇冷氣嘅情況下我哋傾吓傾吓,竟然都傾到好多嘢,講咗好多關於價值觀、世界觀、對音樂嘅睇法,同埋對自己路向嘅睇法。傾完之後真係覺得DJ King個人其實都幾哲學同埋幾deep,同埋覺得真係好hot,因為冇冷氣真係好hot囉!

除左呢2個remix version, 我呢排都有放咗《雙面哈菲》既Live Acoustic Demo Version, 希望大家可以知道,我寫呢首歌嘅Demo時係完全唔同感覺嘅!嗰時編曲未有電音,只有琴、結他、弦樂,又係另外一個版本!同埋最近都有做咗一個民間招募《雙面哈菲》,有唔少平時拍開cover片擺上網嘅人踴躍投稿,因為”哈菲”係有好多面㗎嘛,希望鼓勵大家可以做一個屬於自己嘅哈菲版本,send俾我post俾大家欣賞!

浩楠

浩楠

Stars-hk 創辦人, 希望建立一個只談專業, 不談八卦的娛樂資訊網站。