唐韋琪、張若希行山驚喜遇野豬家庭

唐韋琪（Vikki姐姐）與16歲徒弟張若希昨日（26日）上山避炎，吸收大自然陽光的維他命D增強抵抗力對抗新冠肺炎病毒，而在上山途中，她們意外驚喜遇到一群非常可愛的行山稀客，一隻野豬媽媽帶領著幾隻野豬BB散步郊遊享受家庭樂，若希興奮大叫好溫馨，更讚豬媽媽好有母愛。

Vikki姐姐與若希完全唔驚野豬襲擊，還近距離跟可愛小豬合照，若希開心說：「行山時不時會見到野豬出現，但豬媽媽與豬BB就第一次見，其實佢哋（野豬）好善良，拍照時，豬媽媽一直在旁昅實，保護著自己的仔女，好有母愛呀。」Vikki姐姐續謂：「其實野豬本性善良，喜愛人類，人類唔好對佢哋攻擊⋯佢哋都係保護自己而作出反應，無論動物或植物，我哋都好應該愛護。」

Vikki姐姐表示一向有行山習慣，近期因停課，所以帶埋若希一齊行山訓練心肺功能及練氣，為了避開下午行山者高峰時間，昨晨大清早8時開始登山，若希表示已愛上行山，雖然過程都有辛苦，但登頂後出一身汗非常舒服完全減壓，她並分享在大熱天時行山心得：「我會帶條濕毛巾搭喺條頸散熱，還有行山杖及幾樽水，最好選擇早上，避開陽光猛烈的中午以防中暑，Vikki姐姐好好，每次都會為大家準備雪梨或蘋果，有鹽份的糖，朱古力畀大家補充體力！不過她們提醒行山者記得自己垃圾自己帶走。

Vikki姐姐並表示好多行山者都好自律戴口罩，而她與若希都是戴著口罩行山，只是上到山頂沒有人時，就會除下來唞下氣及抺汗，也會趁無人時才除口罩拍照，她們亦叮囑行山者更換的口罩不要隨地掉，自己口罩自己帶走，做個有公德心盡責市民。