牛雜妹李亦喬韓國逛超市及便利店掃口罩

香港一罩難求,市民為撲罩都各自想盡辦法,「牛雜妹」李亦喬 ( Monnie ) 和家人在元朗開設麵店,加上家中長輩又多,所需的口罩和消毒用品都比較大量,但在港死撲爛撲都係數量甚少而且極艱難,最後 Monnie 去了韓國首爾五天,在當地由朋友幫忙下買到相關用品,可以帶回香港供親友及一些病患者使用。



Monnie 留韓的頭三天,除了到餐廳食飯及去過一間狗仔 cafe 外,全部時間都逛超市及便利店,日日行到腳斷,不過所有口罩和消毒衛生用品都被掃清,只餘下棉質或者質料不符規格的口罩,情況非常誇張,但其後湊巧韓國將港澳列為疫區,對中港澳旅客進行檢疫措施,瞬即令旅客量大降,Monnie說:「我嚟到韓國嘅頭幾日仲有好多中國人同香港人,所以買口罩嘅情況基本上係搶購一空,或者得啲冇用嘅口罩,係自從南韓對港澳實施管制之後,真係少咗好多人,超市同便利店都開始返貨,我先成功買到口罩同消毒物品返香港。」

此外,昨晚 viuTV 播出《向西聞記》單元《食女性地嘉亨灣》,事後不少網民都指 Monnie 似連詩雅,其實昨晚 Monnie 亦有睇電視翻煲,仲自嘲 baby fat 有肉地,「有人話我似連詩雅都幾搞笑,因為佢好高好瘦,我初初出道時都有朋友話我似,但我就唔覺得有相似地方,當時自己都幾 baby fat 吓,可能青春,始終《向西聞記》都兩、三年前拍,當年係肥少少有啲肉地,睇番都幾得意。如果以依家瘦番嘅我再去拍呢套或者續集,唔知又有冇唔同呢?希望之後有多啲作品俾大家睇到。」

浩楠

浩楠

Stars-hk 創辦人, 希望建立一個只談專業, 不談八卦的娛樂資訊網站。