苑瓊丹新年大派利是 喜氣洋洋

苑瓊丹日前為香港開電視「開工大吉77」拍攝短劇,預演年初三「赤口」對應方法:「我屋企人少,佢哋又唔八卦,所以從來唔會嗌交,之餘同其它人會唔會嗌交, 哈哈, 我每年都用利士做武器,利士一出,誰與爭鋒?所以大家想年初三唔好犯赤口, 最好就帶多幾封利是傍身,大家喜氣洋洋就咩劫都化到啦!」


苑仔在短劇中示範藝人拜年常見的情況,如被拜托幫手買演唱會飛、追問八卦新聞內情等等:「買飛就不時遇到,但講真啊,你當我係主辦單位多多都有咩,有時幫手買張飛要左撲右撲架!而八卦新聞內情就更加唔會講,扮咩都唔知,事關親戚當中是旦一個係大喇叭,我就慘啦!所以藝人朋友跟我學番一招半式,睇吓點樣耍走班親戚,咁咪大家都開開心囉!」


苑仔仲話自己係大忙人,過年細節全權交給老公負責:「我唔理呢啲嘢架,由換錢、封利是,咩都係佢做晒,所以我永遠唔知道自己派咗幾多利是出去、仲有幾多利是剩,我呼籲大家想逗我封利是,就去我屋企搵我老公啦!」

浩楠

浩楠

Stars-hk 創辦人, 希望建立一個只談專業, 不談八卦的娛樂資訊網站。