黃建東媽媽生日艷壓全場

藝人黃建東 (東東)的舞蹈老師媽媽黃葉慧茵 (Diane) 最近與兒子上《流行經典50年》的高貴性感晚裝造型引起熱話，早前生日獲兒子與一眾舞蹈學生舉辦生日舞會賀壽，邀請圈中好友包括劉晨芝 (Adrienne)、白健恩、組合明歌知欽等出席。

除咗當晚東東義務為媽媽派對做司儀，好友劉晨芝更為黃媽媽找來兩套晚裝扮靚，東東大表感激：「媽咪平時好少可着呢啲晚裝，好多謝 Adrienne幫手搵衫，當晚仲係咁讚媽咪氹到佢好開心，完全融入我哋家中。 (係咪過咗媽咪嗰關？) 媽咪話佢好 nice好sweet，下次要叫埋佢一齊食飯多謝佢，等我聖誕節有假放約下佢先。」

東東話希望媽咪教跳舞唔好教得太辛苦，最緊要身體健康和每日開開心心便足夠。