溫碧霞黑色晚裝現身Dior巴黎時裝騷

溫碧霞(Irene)日前已飛抵法國出席巴黎時裝週,此行是應時裝品牌DIOR邀請出席昨晚(香港時間24日)舉行的DIOR Show,Irene穿上一襲DIOR黑色露肩長裙晚裝現身,神秘黑色中不失女神魅力。

Irene身邊的工作人員經常取笑她是陽光女神,昨晚出席DIOR騷時又再應驗,事緣到埗頭兩天都萬里無雲好好天,怎料昨晚出發時突然下雨,到埗時竟然陽光重現,Irene得戚說:「今次出席賓客特別多,前往場地條路非常塞車,沿途都一直落著雨,哈哈,真係好奇怪,我地部車到咗會場預備落車,突然停雨,只係好細的雨粉,睇完騷出嚟直情陽光普照,大家講笑話同我出街唔洗帶雨傘。」

DIOR Show位於馬場旁邊的郊區舉行,Irene開心說:「好多謝上天,明明落雨,都會突然變番陽光普照,如果落雨就嘥咗咁靚咁舒服郊區。」Irene並大讚 Dior今年春夏季時裝好靚,主打雪紡及圖案,非常適合她:「我真係好鍾意巴黎,日日行街食嘢,我都忍唔住手買咗好多靚衫,買咗7位數字,好值得,做商演及出席活動都要好多靚衫。」

浩楠

浩楠

Stars-hk 創辦人, 希望建立一個只談專業, 不談八卦的娛樂資訊網站。