謝安琪、陳凱琳 赴米蘭出席FILA時裝騷



意大利高端時尚運動品牌FILA自上年成為首個登陸米蘭時裝周的運動品牌,突破運動與時尚的界限,今年FILA再次亮相米蘭時裝周,在9月22日發佈全新2020春夏系列,並由時尚新生代偶像光希Kōki,行騷矚目全球。


大會更邀請謝安琪、陳凱琳、郭晶晶、張靜初、黃景瑜眾名人遠赴米蘭參與盛會,謝安琪和陳凱琳身穿該品牌服飾登場,即時成為全球媒體焦點,Kay配襯FILA x 3.1 Phillip lim 系列, 盡顯高貴大方的氣質。而陳凱琳穿上FILA Athletics專業運動系列現身,不失性感的造型搶走不少風頭。

謝安琪就話自己第一次參與國際時裝周活動,終於等到仔仔長大,有機會出國參加盛會:「因為之前小朋友都仲係好細,一直都盡量安排香港工作,今年終於覺得有機會,所以真係覺得好開心!其實呢幾日我都係拍攝,未有時間去玩,但係周圍地方都好靚,真係好享受。而難得我地都可以忙裡偷閒,成Crew人一齊食餐好嘅。」

Kay的演唱會舉行在即,今次出席Fashion Week活動,為積累的壓力減壓:「因為我之前一直都忙緊演唱會,出發之前我以為呢幾日會好忙,可能因為風景太靚喇,我和同事都可以放鬆心情。演唱會後都想同家人再來一次,因為附近好多地方都好寧靜,好適合我地全家。」

陳凱琳第二次參與FILA米蘭時裝周活動,笑指自己有足夠經驗,可以好好享受呢場騷:「因為上年咩都唔知,以為睇騷要有咩儀態之類,今年我一早裝備自己,可以享受場騷,見到每個Model出黎真係好興奮!(有冇時間去玩?)頭兩日大會冇野安排比我地,所以同經理人去吃喝玩樂,諗起都覺得自己過份。」

Grace珍惜參與睇騷機會,成為她每年期待的工作,但係就婉拒成為Model走上天橋:「我諗我冇呢個勇氣行騷啦,我覺得Model行騷時要保模好有型狀態又唔準笑,加上好多人望住都幾尷尬,我都係去番拍戲就可以架喇。(咁鍾意Fashion騷,係咪自己好貪靚?)我地成家人都唔係好貪靚咋,只不過係工作需要先扮靚,所以我地都係好一致!」

浩楠

浩楠

Stars-hk 創辦人, 希望建立一個只談專業, 不談八卦的娛樂資訊網站。