朱晨麗拍新劇《大醬園》踩三輪車送貨


無綫花旦朱晨麗(朱朱)劇集一部接一部,早前因拍攝新劇《法證先鋒IV》動作戲不慎扭傷手肘甩骹,再加上積勞成疾導致頸椎嚴重移位,舊患未好,又正忙於為民初新劇《大醬園》開工,在劇中飾演醬園女工夏小滿,日前拍攝踩三輪車送貨,為第一個鏡頭練習時即撞車,幸得何廣沛及時英雄救美避過受傷一劫,不過已足夠令朱朱嚇餐死。

朱朱仍猶有餘悸:「我之前從未踩過三輪車,今次係第一次,第一日踩,就要踩斜路仲要大轉彎,正式埋位之前,導演陪我練習試戲,我一上車,何廣沛坐喺我後面,劇情需要他拍一拍我背脊叫停車,我就即刻撞咗,好彩佢(何廣沛)反應好快即刻救我,嚇到大家都好驚。」

她表示因為劇情係三十年代,她是大醬園的女工,要經常踩三輪車去送貨,為求逼真及配合劇情,她踩的三輪車好舊:「呢部三輪車已經好大年紀,老過我,好多嘢都爛曬,自己又冇踩過三輪車,好難控制。」

第一場戲練習已險生意外,她非常感謝導演好有耐性地不停陪她練習,她說:「經過導演訓練,練咗好多次才順利拍攝,不過真係好驚。」

浩楠

浩楠

Stars-hk 創辦人, 希望建立一個只談專業, 不談八卦的娛樂資訊網站。