韓子亮孖Heartgrey 任教育大學歌唱評判

歌手韓子亮(TL)、3屆Beatbox全中國總冠軍的Beatbox猛人蘇子麟Heartgrey ,日前應香港教育大學邀請擔任學校「第十四屆歌唱比賽」評判。TL在台上演唱熱爆網絡的《Party with TL》時,台下幾百個學生全首歌從頭到尾都跟著唱,更不時歡呼大嗌「好好聽」,令到TL既開心又感動,他在表演時見到狂熱的學生亦忍不住開心笑了出來:「佢哋真係好熱情呀!」這首逾60萬點擊率的作品不愧為90後、00後的神曲。

之後他亦第一次跟Heartgrey公開獻唱由Heartgrey作曲填詞新歌《這一生輸嗎?》。今年專注做歌而甚少·出席公開活動的TL見到學生們熱情的反應即有感而發:「小弟本身今年一個活動都唔去,但我都係因為你哋先答應嚟。」台下即時起哄大叫「抵我咁鍾意你呀!」、「我愛你呀TL!」完騷後TL除了被學生們瘋狂集郵外,亦令得不少其他大學的學生妒忌,表示想邀請他表演,深受學生歡迎。

談到擔任歌唱評判有甚麼評分標準時,TL表示:「台風、唱功、造型方面我都會睇,因為一個歌手要聲色藝俱全,啲學生真係厲害,有啲仲識Rap添。」問到作為音樂公司老闆的TL會否在這比賽入面物色一些有潛質歌手簽到旗下時,他直言:「有呀,已經有1、2個心水。」

浩楠

浩楠

Stars-hk 創辦人, 希望建立一個只談專業, 不談八卦的娛樂資訊網站。