黎燕珊、許秋怡 亞博開Show 預祝 「母親節」

黎燕珊與許秋怡兩位「靚媽」日前齊為於亞洲博覽館舉行之「彭墩電商恒定系統之表彰大會」擔任表演嘉賓,更和現場約2千觀眾提早慶祝母親節,黎燕珊更遇熱情女粉絲們搶住攬實唔放,笑言好耐未試過被攬到咁肉緊,感覺好有愛。

大派康乃馨 預祝「母親節」
黎燕珊應邀擔任「彭墩電商恒定系統之表彰大會」特別表演嘉賓,她出場唱出《慢步人生路》即掀起現場2千觀眾齊齊拍掌合唱,由於觀眾反應熱烈,要求和她握手,珊姐應觀眾要求,落台和她們近距離接觸,並向觀眾大派康乃馨,預祝「母親節」快樂。珊姐和觀眾近距離合照與握手,但意想不到被女粉絲們熱情攬到實唔放,更大叫: 「珊姐,我愛妳!」要勞動保安及工作人員「營救」才可以甩身,她笑言: 「好耐未試過被攬到咁實,大家真係畀到好多愛我呀!」在觀眾熱情安哥下,珊姐再唱出《瀟洒走一回》。

邀「猛男」粉絲合唱遇高手
至於唱家班許秋怡出場唱出《千個太陽》,她亦為觀眾帶來預祝「母親節」禮物,熱情粉絲們湧到台前攞禮物,跑慣江湖的秋怡氣定神閒,一邊唱一邊派簽名海報與簽名相,接著秋怡更即席邀請有否「猛男」自告奮勇和她合唱《片片楓葉情》,雖然不少「猛男」舉手,但不敢上台合唱,只想和她合照,所以秋怡就「點兵」邀請大會司儀KEVIN合唱,還預備貓字歌詞給對方,誰知對方唱得投入不用睇貓紙,秋怡笑指自己唱了26年該首歌,每次邀請男士合唱都充滿挑戰,尤其要忍笑或幫手唱埋,不過今次遇到「高手」。
曾是「麻雀腳」互相祝福未來更幸福
至於珊姐與秋怡兩位「靚媽」原來當年曾是「麻雀腳」,有段時間常一起打台灣牌,不過做了媽咪就各有各忙,珊姐爆秋怡出名是「魚腩」,秋怡指自己因為好喜歡和這班閨密聚會,所以明知多數輸錢都要赴會。問到會否再約一次牌局聚舊?珊姐稱兩人都已多年冇打牌,大家都牌章生疏,所以飯局更實際。
秋怡更大讚珊姐依然咁靚,祝福她快點找個鍚她的人拍拖,珊姐指自己依然要專心搵錢供兒子讀大學,所以起碼再多兩年再考慮。問及秋怡「母親節」會否與老公王書麒及14歲兒子安排慶祝?她稱每年都不會特別慶祝,因為兒子6月考試,假日都只會陪兒子溫書,不會出街食飯,她慶幸兒子乖仔,未有過反叛期,自己已好安慰日日都感恩是「母親節」, 不會介意形式上慶祝。

浩楠

浩楠

Stars-hk 創辦人, 希望建立一個只談專業, 不談八卦的娛樂資訊網站。