細細粒為拍國內綜藝節目 跳勁舞事後痛足半個月

0
68 views

細細粒(陳嘉佳)上年在內地綜藝節目《喜劇之王》中扮演「暴飲韓紅」備受關注,網民除了讚她扮相維肖維妙外,更對她可以在短短數十秒內KO兩公升水大感驚訝。由於細細粒表現拼搏,最近獲內地中央電視台賞識,誠邀她親臨全新綜藝節目《星光大道》現場大展身手,並下令她大跳勁舞。

雖然細細粒平時予人感覺「肥得嚟好靈活」,但其實運動細胞欠奉,為了跳好自己隻舞,她專誠找來排舞老師進行「地獄式特訓」,短短數分鐘的舞步,由早上八時排至晚上十時,期間更要進行「攞你命三千拉筋熱身」,排舞老師為了增強細細粒的柔軟度,著她半趴在地上然後將手腳拉至最盡,由於動作難度頗高,加上平時懶做運動的細細粒「日久失修」,痛得她全程叫苦連天,令現場所有工作人員均笑翻肚皮。
事後細細粒笑謂練完隻舞痛足半個月:「我雖然係肥,但我覺得自己都幾靈活嘅,哈哈哈!不過可能我平時真係少郁嘅關係,經過嗰日地獄式特訓後,正式錄影嗰日我已經周身骨痛,頂硬上表演。之後返到香港,啲手腳同腰直頭酸痛到行得行唔到,除咗落街食飯,幾乎喺屋企冇郁過。雖然痛足幾日,但我真係好開心可以參與呢個節目,希望今次都可以令觀眾朋友睇得開開心心啦。」
細細粒又笑謂是次北京之旅雖然行程緊密,但仍抽空與工作人員大啖當地著名火鍋:「另一樣開心嘅嘢係,我真係好耐冇見過落雪,所以一落地就同工作人員玩雪球大戰,好似變番細個嗰時咁。」

NO COMMENTS