邵仲衡發現蔣祖曼內在美 《詭探》煞科演員依依不捨


ViuTV電視劇《詭探》日前於粉嶺大宅拍攝煞科戲份,一眾演員依依不捨,蔣祖曼笑言終被邵仲衡發現自己的「外在美」:「可能孝哥之前做左眼嘅手術,今日終於睇清楚我!呢套戲嘅演員成日都鍾意欺負我,日日都叫我行性感,不過我已經日日制服誘惑都唔夠,如果真係有第二季我希望造型有突破。」。

邵仲衡多年前曾於粉嶺大宅拍戲,多年後重回舊地感覺恍如隔世:「如果真係有第二季我都要諗吓先,因為拍呢套戲真係要好用力,我可能要抖番三、五年,回復原氣先搞得掂。初初拍就冇乜野,依家每次拍完返屋企都失眠,要抖抖平復情緒冷靜吓先!」
羅天池出任《詭探》武術指導,現忙於內地拍劇無暇參演:「其實拍劇度度都係差唔多,不過呢度可能題材會大膽D、血腥D!(離開TVB之後多左工作?)托賴啦,多謝朋友同大家欣賞。(收入增加?)都OK嘅。」

陳佩思飾演邪教教主,本身有宗教信仰的Pancy笑言冇衝突,仲拍得過癮:「感覺好新鮮,導演以電影模式拍攝,加上新演員的參與,我地成日都傾劇本,真係有好多火花!」

楊偲泳、駱振偉、陳子豐三人老友鬼鬼,片場為其他演員按摩場面搞笑!駱振偉踢爆蔣祖曼對楊偲泳有非份之想:「唔知點解佢對楊偲泳係好Sweet,係調戲緊佢!真係可能太入戲啦,抽離唔到!」

浩楠

Stars-hk 創辦人, 希望建立一個只談專業, 不談八卦的娛樂資訊網站。