那些年我遇過的韓星—–T.O.P篇

話說黎緊3月25號又舉行愛滋病研究基金會(amfAR)第三屆慈善籌款晚宴,而每一屆都有邀請當紅既韓星出席,第一屆就係天團Big Bang既TOP!而身為VIP既我,聽到都忍唔住激動起黎,但雖然最愛既都係GD…


而個次有幸地去到幫忙,可以話係再開小妹既眼界,個種衣香鬢影同大台既台慶個種係完全唔同級數!真正既國際化,當日唔止TOP,仲有碧咸嫂、阿SA、吳建豪、名模NAOMI等等…..全部政商名流都到齊!睇劇睇得多上流社會,而現實亦真係咁。而佢地拍賣既除左珠寶、名酒外,最令我同朋友O 哂嘴既一樣拍賣係,同李安納度係佢私家遊艇食一餐飯@[email protected],全場都起哂哄!李安納度仲拍左片黎支持,果然係大慈善家!


而我同朋友既目標當然係TOP先生,係正式開始前,係全場各位既拍照同寒暄時間,我地就企左係門口,因為得一個入口,企係到就實見到。但TOP先生既凌波微步同特有步姿,佢係無聲無色地痴住個牆咁飄入黎,好彩小妹眼夠利,唔係咁黑真係見佢唔到!好明顯佢係唔想有人見到佢XD…而當我即刻通知友人後,連攝影大哥們都齊齊用攝影機幫我地搵佢坐邊到,進行「搜捕TOP大行動」真係勁好笑XD!而我就幫手係咁行圈,我都足足行左4-5次,真係搵唔到,諗住放棄回原位既時候,前路比一班人影相阻住左,咁我就係到挨住啲椅背企係到等佢地影完先行。



就係呢個時候,我無聊望一望自己背後,我見到個髮型咁鬼似佢既,我再望真啲,真係佢!而當時我挨住既椅背就係佢坐緊,佢個後腦係對住我個PAT!我個下呆一呆,唔想搵既時候就係你後面,而當時佢真係唔多出聲,坐佢隔離左加既名流都有撩佢講下野,但當然係用英文,佢就不停咁答「YES…YES!」
而係呢個時侯,如果係你地會點做呢?我就忍唔住問佢可唔可以影下相!唔知點解個時反而會好冷靜,就拍一拍佢,係耳邊叫佢(因為太嘈,你唔拍佢你叫一世都唔會聽到…)
我:「HELLO!TOP~」(唔知點解我會用英文,明明英文文盲=_=)
TOP:「YES??^_^」(佢擰轉頭就一個微笑對住你)
我:「MAY I TAKE PHOTO TO U?」(原諒我堅文盲)
TOP:「嗯~~嗯????SORRY?^_^」(呢個時候佢再隊近左個耳仔,因為真係嘈到呢…)
我:「TAKE PHOTO….」(我已經無信心再講英文,而唔知點解個時又唔夠膽講韓文=__=^)
TOP:「OH..SORRY…^_^”」(超低音聲線)
我:「@[email protected]…」(無錯!食左檸檬呀!但仲未反應到)
TOP:「SORRY…..^_^」(佢長期保持天真無邪笑容)
呢個時候靜左,大家你眼望我眼
我OS:「到底係我表達得唔好,定誤會左定點呢?但TOP既英文應該唔錯架,會明掛….個腦大戰左一輪!」
我:「RELLAY?…..IS OK!」
TOP:「SORRY~~^_^」
我人生聽到最多次既SORRY應該係呢次…所以最後都係唔成功架!可能有好多原因啦,我都無再深究啦~而友人就問我結果如何,我叫佢試下咪知XD,但佢見我失敗就更加唔敢去!但其實難得一次,咬下耳仔吹兩句都好呀嘛!而佢身上既香水味真係好清新,超好聞!好彩係個種場合,唔係唔知會唔會比佢怒視死=__=ANY肥,希望佢當兵一切安好啦!

Aki C

大家好!我叫Aki呀!雖然個名好日本,但我都係偽韓人一名,只要係關韓國既野,不論KPOP、韓劇、韓食、韓景點乜乜乜….都關我事架!而我係到都會分享下我同韓星合作過既所見所聞,當然唔少得去韓國玩既趣事啦!希望大家多多指教呀! FACEBOOK: Aki Sakura