情人節林韋瑩同白健恩去商場行桃花

一年一度情人節又到啦,有情人嘅就梗係溫溫馨馨甜甜蜜蜜啦,但無情人嘅白健恩 (小白)除咗自己拍微電影應吓節,好事先張揚咁話喜歡單身! 同小白一齊孭飛電影《 一炮三响 》嘅女主角林韋瑩 Monna 表示: 「小白平時個人真係好鬼靜,除咗同佢拍戲講對白,同埋教我跳舞果陣時好多嘢講之外,同佢食飯靜到連烏蠅飛過都聽到! 佢咁自閉,又唔講嘢點會識到女朋友?」

Monna唔想小白孤單隻影過節, 所以特登帶埋佢去商場行個桃花運,連有人送比自己嘅朱古力都同小白分享,兩人糖癡豆又好有默契,小白感謝紅顔知己咁細心,繼續做螢幕情侶都幾合襯!

浩楠

Stars-hk 創辦人, 希望建立一個只談專業, 不談八卦的娛樂資訊網站。 STARSHK 總監, 星雨文化 董事, 藝人及名人管理, 項目:OTO 平台Artist-HK,活動統籌,