[K韓公社] 炸雞 = 「男人的那裡」??

雖然唔知道多唔多人知,但都想同大家分享個次旅韓經歷比大家聽下,其實都幾好笑但又幾尷尬,不過各地語言係咁都無辨法架嘛…XD

aki_ (1)

每次去韓國,都會搵班韓國好友出黎聚一聚,這是常識吧!跟住地頭蟲,總會去到一啲得意既餐廳,而去到韓國無理由唔食炸雞+啤酒啦!而當中有位一齊同行既女生朋友係台灣人,但唔太識韓文既~但基本既「你好」、「多謝」、「幾錢」當然難唔到佢啦!一坐得佢就好興奮地話:「我要吃炸雞!炸雞!」,咁我都好不以為意,好正常呀….
aki_ (4)
但我就見到坐我地對面既朋友們,好似有點嚇一嚇咁呆左,又望一望我地「@[email protected]」….咁我當然比左個問號表情佢地啦,再循例望下周圍,好似都有啲奇怪目光射左過黎,我就忍唔住問佢地係咪有咩事?但可能佢地都怕尷尬就話無野,但當我既台灣朋友再次講起….
台:「aki,你覺得那一個口味的炸雞好吃呢?」
我:「嗯…韓國的炸雞都很好吃耶,挺難選的…」
台:「那你幫我問一下韓國朋友們,如果炸雞配啤酒是不是….」
正當我地傾得起勁既時候,韓國朋友們終於忍唔住我地既炸雞攻擊啦~~
韓友A:「那個aki…你唔知你地頭先講左咩呀?」
韓友B:「係啊…其實你地傾緊咩?」
我:「我地討論炸雞囉~做咩??發生咩事呀?」搞到我都有啲緊張…
韓友B:「點解你地係咁講粗口既?」
我:「下??幾時有呀!?」大佬,我咁鬼有「氣質」,一睇都知我連粗口兩個字都唔識寫啦!XDD….
韓友A細細聲同我地講:「你地頭先係咁講炸雞、炸雞!仲話無!」
我:「下?國語炸雞發音係=你地既炸雞WOR!」
韓友A & B就一齊驚叫:「下?!!但我地係講緊男人既個到WOR!」
之後我地就一齊驚叫,之後就大笑!!

aki_ (2)
aki_ (3)

翻譯同解釋左一論之後,大家都知道發生咩事!真係幾唔好意思架!不過唔覺意地學識粗口既感覺幾良好~~但就記得好深刻!下次如果你地同行既朋友係講國語或普通話.而又一齊去韓國旅行既話,就記得提醒佢地~~
*國語/普通話發音「炸雞」 = 韓國「男人的那裡」 = 韓國粗口
aki_ (5)

Aki C

大家好!我叫Aki呀!雖然個名好日本,但我都係偽韓人一名,只要係關韓國既野,不論KPOP、韓劇、韓食、韓景點乜乜乜….都關我事架!而我係到都會分享下我同韓星合作過既所見所聞,當然唔少得去韓國玩既趣事啦!希望大家多多指教呀! FACEBOOK: Aki Sakura