黃建東化身背心毒男搵 GF

2017-01-092017-01-09 浩楠黃建東

近期因二次創作 PPAP而熱爆的藝人黃建東 (Derek)，近日又有新攪作，化身背心毒男宣布搵到另一半：「早前我係網上睇到好多點擊率很高的短片關於一些宅男宣布找尋女朋友，他們的自信心異常地高，非常爆笑。跟着我創意一轉，決定扮他們去找尋女朋友，而我最終找到了。」因為短片的宅男講 Gf時有個獨特口音，所以靈機一觸發現可以有膠fan諧音，所以把女朋友定為膠風扇。「我特地走進深水埗拍攝，一來想貼地，二來因為想營造無錢宅男的感覺而又想拍拖，所以片中的美食是街邊篤魚蛋，一齊睇戲是在路邊的電視上看，一齊購物是在街邊的攤檔。」

Derek為今次的短片有很大的犧牲，包括形象上要 gel個很毒的髮型，以及着阿叔底衫背心、孖煙通以及踢人字拖走到街上，仲要拿起件衫 show肚腩：「之前在歡樂滿東華跳籌款操已經係電視上show過肚腩，所以今次決定豁出去，希望可以搞笑一啲。」Derek話拍攝時不少途人認出跟他合照，自己咁嘅造型非常尷尬，但他們毫不介意，更給他打氣和鼓勵，使他很感動，令他更不會放棄，繼續發揮正能量大放笑蛋。Derek坦言港版PPAP三百幾萬點擊率的成功大給他很大壓力，每拍一個作品更會精心籌備，但他不希望大家以為他只懂翻拍PPAP，所以會繼續找尋新題材去二次創作，希望可以帶咁多歡笑俾大家。